Published : 01 Aug 2022 02:02 IST

Viral Video: కేర్‌టేకర్‌తో పాండాల ఆటలు.. ప్లీజ్‌ ఆ ఉద్యోగం ఇప్పించండి అంటున్న నెటిజన్లు!

ఇంటర్నెట్‌ డెస్క్‌: జంతువుల ఆటలు చూడముచ్చటగా ఉంటాయి. అవి సరదాగా గడుపుతుంటే వాటిని అలాగే చూస్తూ ఉండిపోవాలనిపిస్తుంది. అలాంటి వీడియో ఒకటి ఇప్పుడు నెట్టింట చక్కర్లు కొడుతోంది. ఓ సంరక్షణ కేంద్రంలో కేర్‌టేకర్‌తో పాండాలు ఆడుకుంటున్న వీడియో సోషల్‌ మీడియాలో తెగ వైరలవుతోంది. ఇప్పటికే దాన్ని 6.5మిలియన్ల మందికి పైగా వీక్షించారు. 222వేల మందికిపైగా లైక్‌ చేశారు.

సంరక్షణ కేంద్రంలో పనిచేస్తున్న కేర్‌టేకర్‌ను ఆ పని చేసుకోనీయకుండా ఆ పాండాలు నిత్యం అడ్డుపడ్డాయి. ఓ పాండా ఏకంగా అతడి పైకెక్కి మరీ ఆటలాడింది. సంరక్షకుడు ఎక్కడి వెళ్లినా తోడుగా గుంపుగా వెళ్లి ఆయన పనికి అడ్డుపడ్డాయి. తమ సంరక్షకుడిపై పాండాలకున్న ప్రేమను ఈ వీడియో తెలియజేస్తోంది.

ఈ క్లిప్పింగ్‌ను చూసిన నెటిజన్లు వావ్‌ అంటున్నారు. పాండాల ఆటలు, సంరక్షకుడితో అవి ప్రవర్తించిన తీరుకు ముగ్ధులవుతున్నారు. ఆ కేర్‌టేకర్‌ పని తమకు చేయాలనుందని అనేకమంది తమ కోరికను బయటపెట్టారు. ‘ఈ పనిని నేను ఫ్రీగా చేయాలనుకుంటున్నా. 365రోజులు సంతోషంగా ఉండొచ్చు’ అని ఓ నెటిజన్‌ పేర్కొన్నాడు. ‘ఇప్పటివరకు నేను చూసి అద్భుతమైన వీడియో ఇది’ అని కొందరు కామెంట్‌ చేశారు.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.