Published : 20 Apr 2022 20:02 IST

Viral video: స్పృహతప్పి రైలుకిందపడిన యువతి.. ఆపై క్షేమంగా..!

ఇంటర్నెట్‌ డెస్క్‌: రైల్వేస్టేషన్‌లో రైలు కోసం ఎదురుచూస్తున్న ఓ యువతి మృత్యువు అంచువరకు వెళ్లి తృటిలో ప్రాణాలతో బయటపడింది. నడుస్తున్న రైలు కింద పడినప్పటికీ.. ఆమె క్షేమంగా బయటపడింది. ఈ ఘటన అర్జెంటీనాలో జరిగింది. క్యాండెలా అనే యువతి బ్యూనస్‌ ఎయిర్స్‌ రైల్వేస్టేషన్‌లో రైలు కోసం ఎదురుచూస్తోంది. అయితే ఆమెకు రక్తపోటు తగ్గడంతో కళ్లుతిరిగి పట్టాలపై వస్తున్న రైలు కిందపడిపోయింది. ఈ ఊహించని సంఘటనకు అక్కడున్నవారంతా భయభ్రాంతులకు గురయ్యారు. ఆమె మరణించిందనే అంతా భావించారు. రైలు ఆగడంతో యువతిని కొందరు పైకి లాగగా.. స్వల్ప గాయాలతో ప్రాణాలతో బయటపడింది. కొద్దిసేపటికి ఆమెను ఆసుపత్రికి తరలించారు. కాగా ఈ ఘటనకు సంబంధించిన ఓ వీడియో వైరల్‌గా మారింది.

కోలుకున్న అనంతరం ఆ ఘటనపై క్యాండిలా ఓ న్యూస్‌ ఛానెల్‌తో మాట్లాడింది. తానింకా బ్రతికున్నాననే విషయాన్ని నమ్మలేకపోతున్నానని పేర్కొంది. ‘నేనెలా బ్రతికున్నానో నాకే అర్థం కావడంలేదు. ఇది నాకు పునర్జన్మ. రక్తపోటు తగ్గిపోయి కళ్లు తిరిగాయి. నా పక్కన ఉన్న వ్యక్తికి ఈ విషయాన్ని చెప్పాలనుకున్నా. కానీ సాధ్యం కాలేదు. రైల్వే కంపార్ట్‌మెంట్‌పై, అక్కడినుంచి కింద పడిపోయినట్లు కాస్త గుర్తుంది. తర్వాత ఏం జరిగిందో గుర్తులేదు’ అని పేర్కొంది.



Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts