Published : 04 Sep 2022 20:46 IST

Viral Video: రోడ్డు ప్రమాదంలో వెంట్రుకవాసిలో తప్పించుకున్న మహిళ

ఎంతకాలం ఇలా అదృష్టం మీద ఆధారపడదాం అంటూ ప్రశ్నించిన సజ్జనార్‌

ఇంటర్నెట్‌ డెస్క్‌: రోడ్డు ప్రమాదం నుంచి ఓ మహిళ వెంట్రుకవాసిలో తప్పించుకున్నారు. వేగంగా దూసుకొచ్చిన ఓ కారు ఆగిఉన్న ఆటోను ఢీకొనగా.. అదృష్టవశాత్తూ ఆమె ఆ ప్రమాదం నుంచి బయటడ్డారు. కాగా, ఇందుకు సంబంధించిన వీడియోను ఐపీఎస్‌ అధికారి, టీఎస్‌ఆర్టీసీ ఎండీ వీసీ సజ్జనార్‌ ట్విటర్‌లో పంచుకుంటూ లేవనెత్తిన ఓ ప్రశ్న అందరినీ ఆలోచింపజేస్తోంది.

రద్దీగా ఉన్న ఓ రోడ్డుపై ఓ ఆటో డ్రైవర్‌ తన ఆటోను ఎడమవైపున నిలిపి ఉంచగా.. అదే సమయంలో ఓ మహిళ అటువైపుగా నడుచుకుంటూ వెళుతున్నారు. అయితే అప్పుడే వేగంగా దూసుకొచ్చిన ఓ తెల్ల కారు ఆగి ఉన్న  ఆటోను ఢీకొట్టింది. ఈ ప్రమాదంలో అటువైపుగా వస్తున్న ఆ మహిళ ప్రమాదం బారినపడేవారే. కానీ ఆటో ఒకవైపు, కారు మరోవైపు పడిపోగా.. మధ్యలో ఉన్న ఆమె తృటిలో తప్పించుకున్నారు.

కాగా ఈ ఘటనకు సంబంధించిన వీడియోను సజ్జనార్‌ ట్విటర్‌లో షేర్‌ చేస్తూ ఓ ప్రశ్నను లేవనెత్తారు. ‘తృటిలో తప్పించుకున్నారు, కానీ ఎంతకాలం మనం ఇలా అదృష్టం మీద ఆధారపడదాం’ అంటూ ప్రశ్నించారు. ‘రోడ్లపై బాధ్యతాయుతంగా ఉండండి’ అంటూ ట్వీట్‌ చేశారు. ప్రస్తుతం ఈ ట్వీట్‌ వైరల్‌గా మారింది. నెటిజన్లు స్పందిస్తూ రోడ్లపై బాధ్యతగా వ్యవహరించాలని సూచిస్తున్నారు. ట్రాఫిక్‌ ఉల్లంఘనలకు పాల్పడేవారిని కఠినంగా శిక్షించాలని ప్రభుత్వాలను కోరుతున్నారు.



Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని