శీతాలు సింగారం!

కసరత్తులకు శరీరాన్ని అంటి పట్టుకుని ఉంటే ‘థర్మల్స్‌’ని లో దుస్తులుగా వేసుకోవాలి. వాటిపై మీకు అనువైన ట్రాక్‌సూట్‌ని వేసుకోవచ్చు. దీంతో శరీరంలో తగిన వేడి పుడుతుంది. వ్యాయామ సమయంలో టైట్‌గా ఉండే దుస్తులు ధరించడం వల్ల రక్తప్రసరణ సక్రమంగా జరుగుతుంది. ‘కంప్రెషన్‌ టైట్స్‌’ పేరుతో మార్కెట్‌లో దొరికే వాటిని ప్రయత్నించొచ్చు.

చలికాలంలో నిద్రలోనే కొన్ని సార్లు కండరాలు పట్టేస్తుంటాయి. దీనికి కారణం... శరీరానికి తగిన వ్యాయామం లేకపోవడం లేదంటే అతిగా వర్క్‌అవుట్స్‌ చేయడం. కొన్ని సార్లు తగినన్ని నీళ్లు తాగకపోయినా ఇలా కండరాలు పట్టేస్తుంటాయి. అందుకే దాహం వేయడం లేదని నీళ్లు తాగడం మర్చిపోవద్దు.

నిగనిగలు తగ్గకుండా..

ఇలా యువతకు ఈ కాలంలో తమ చర్మాన్ని కాపాడుకోవడం ఓ పెద్ద సవాలు. మరి ఈ సవాలుకు సవాలు విసరాలంటే.. కొంచెం జాగ్రత్త అవసరమంటున్నారు డెర్మటాలజిస్టులు.

* చలికాలం వచ్చిందంటే చర్మం పగిలిపోవడం, నల్లబడటం ఎక్కువగా జరుగుతుంది. దీన్ని అధిగమించడానికి యువత అనేక మార్గాలను అన్వేషిస్తుంటారు. తర్వాత మందులు రాసుకోవడం కంటే... ముందు జాగ్రత్త ఎప్పుడూ మంచిదే. అందుకే చలికి చర్మం ఎక్స్‌పోజ్‌ కాకుండా చూసుకోవడం ప్రాథమిక విధి.

* యువత ఎలాంటి జాగ్రత్తలు తీసుకోకుండా రాత్రి పూట బైకులు తోలుతారు. ఎంత హెల్మెట్‌ పెట్టుకొన్నా చలిగాలి చర్మాన్ని చుట్టేస్తుంటుంది. ఈ సమయంలో చర్మం పగిలి నిర్జీవంగా మారుతుంది. తప్పనిసరి పరిస్థితి అయితేనే బయటికి వెళ్లాలి. వెళ్లినా... మఫ్లర్‌, మంకీక్యాప్‌, గ్లౌజ్‌ ధరించాలి. మాశ్చురైజింగ్‌ క్రీములు, లోషన్లు అందుబాటు ధరల్లోనే దొరుకుతున్నాయి. వీటిని కాళ్లు, చేతులు, ముఖంపై రాయాలి.

* ఉదయం నడక, వ్యాయామం చేసేవారు షూ ఎలాగో వేసుకుంటారు. చేతులకు గ్లౌజ్‌ వేసుకుంటే మంచిది.

* ముఖం ఎక్కువ సార్లు కడిగితే అది తేమను కోల్పోయి నిర్జీవంగా తయారవుతుంది.

* మాశ్చురైజింగ్‌ సోపులు మార్కెట్లో దొరుకుతాయి. ఇవి వాడితే చలి బారి నుంచి చర్మాన్ని కొంతవరకూ కాపాడుకోవచ్చు.

ఫ్యాషన్‌ దెబ్బతినకుండా..

ఇలా ఎంతో మంది యువతదీ సమస్య. దీనికెందుకు చింత అంటున్నారు డిజైనర్లు. ఊలుతో కావాల్సిన రీతిలో డ్రెస్‌ డిజైన్‌ చేయించుకోవచ్చంటున్నారు. లైట్‌వెయిట్‌ జీన్స్‌, లెనిన్‌, ఉలన్‌ జర్కిన్స్‌ మీకోసం మార్కెట్లో ఉన్నాయని చెబుతున్నారు.

* చాలా మంది శీతకాలంలో ఫ్యాషన్‌ దుస్తులు ధరించలేకపోతున్నామని బాధపడిపోతుంటారు. నైట్‌ పార్టీలకు వెళ్లేవారు ఏ డ్రెస్‌ వేసుకున్నా దాని మీద మళ్లీ స్వెట్టర్‌ వేసుకోవాల్సి ఉంటుంది. దీనివల్ల దుస్తుల అందమే కాదు... తమ అందమూ దెబ్బతింటుందని ఫీల్‌ అయ్యే యువతే ఎక్కువ. కొద్ది పాటి మెలకువలు పాటిస్తే ఫ్యాషన్‌ దెబ్బతినకుండానే చలిపులి నుంచి తప్పించుకోవచ్చు. దీనికి కొంచెం మీ వార్డ్‌రోబ్‌ మారిస్తే సరిపోతుందంతే!

* లెనిన్‌లో ముదురు రంగుల దుస్తులు మీ ఫ్యాషన్‌ పెంచడంతోపాటు.. చలి నుంచి రక్షిస్తాయి.

* అన్నివేళలా జీన్స్‌ ఫ్యాషన్‌. ఈ కాలంలో సాగే జీన్స్‌ మంచివి. ఇవి శరీరానికి అంటిపెట్టుకొని ఉండటం వల్ల చలిని రానివ్వవు. నైట్‌పార్టీల్లో, రాత్రి ప్రయాణాల్లో చలిగాలులను అడ్డుకొంటాయి.

* ఇక ఊలుతో చేసే స్వెట్టర్లు ఎలాగూ ఉన్నాయి. వీటిలో వీ నెక్‌, రౌండ్‌ నెక్‌లతో పాటు, పూలు అద్దిన ఫ్యాషన్‌ స్వెట్టర్లు మార్కెట్లో అందుబాటులో ఉన్నాయి. మన దుస్తుల అందం ఏమాత్రం చెడకుండా...ఇవీ ప్రత్యేక దుస్తుల్లా అందరినీ ఆకట్టుకుంటాయి.

* శీతకాలంలో ముదురు రంగులే ఎక్కువ ధరించాలి కాబట్టి... 
* షూటింగ్‌ మెటీరియల్‌తో తయారుచేసిన దుస్తులు ఎంపిక చేసుకుంటే మంచిది. ఇవి మందంగా ఉండి చలిని తగ్గిస్తాయి.