దుస్తులూ స్మార్టే!

టెక్‌టాక్‌

మీరెలాగూ స్మార్టే.. మీ దుస్తుల సంగతి!! వాటినీ స్మార్ట్‌గా చేసేస్తే!! దుస్తులను స్మార్ట్‌ చేయడమేంటని ఆలోచిస్తున్నారా! అవును ఇప్పుడు అలాంటి గ్యాడ్జెట్సే అందుబాటులోకి వస్తున్నాయి. పేరు Spire Health Tag. దీన్ని మీ దుస్తులకి అతికిస్తే చాలు. మీపై ఓ కన్నేసి ఉంచుతుంది.. మీరు తీవ్ర ఒత్తిడిలో ఉంటే.. ఒత్తిడిని తగ్గించుకోమని చెబుతుంది. రోజులో మనం చేసే శారీరక శ్రమని అంచనా వేస్తుంది. గుండె లయ, నిద్ర, మన శ్వాసపై కూడా ఓ లుక్కేసుంచుతుంది. మీకు నిద్ర తగ్గితే.. ఈ వారంలో తక్కువగా నిద్రించారు. మంచి నిద్రకు ఈ టిప్స్‌ పాటించమని చెబుతుంది. సంబంధిత యాప్‌ ద్వారా నిద్ర, ఒత్తిడి, వ్యాయామం ఇలా అన్ని వివరాలు తెలుసుకోవచ్చు.