ఇలా టక్కేసేయండి..

ఫ్యాషన్‌

కాస్త ప్రొఫెషనల్‌గా కనిపించాలంటే.. కచ్చితంగా టక్‌ చేస్తాం. అక్కడితో అయిపోదు.. మంచి బెల్టు పెట్టాలి. అప్పుడే.. మీరో టక్‌ జగదీష్‌ అయినట్టు. ఇక బెల్టు అనగానే గుర్తొచ్చేది లెదర్‌తో చేసినవే. ఫార్మల్‌ లుక్‌లో మెరవాలనుకున్న వారికి ఇవి సరైన ఎంపికేగానీ.. యువత క్యాజువల్‌గా ట్రెండీగా కనిపించేందుకు ఇంకా చాలా రకాలున్నాయి. అందుకు క్లాత్‌, స్వెడ్‌ బెల్టులను ప్రయత్నించొచ్చు. ఇవి మీ లుక్‌కి కాస్త ఫన్‌ టచ్‌నిస్తాయి. ప్రింట్‌, మల్టీకలర్‌ బెల్టులు కూడా ఇప్పుడు మార్కెట్‌లో సందడి చేస్తున్నాయి. విందులు, వినోదాలకు వెళ్లేప్పుడు ఓ క్యాజువల్‌ షర్ట్‌, ట్రెండీ డెనిమ్‌ ప్యాంట్‌ వేసి, ప్రింట్‌ లేదా మల్టీకలర్‌ బెల్టుతో టక్‌ జోడిస్తే అదిరే లుక్‌ మీ సొంతమవుతుంది.