సొగసుల విన్‌టర్‌!

చలి ముదురుతోంది. మరోవైపు సొగసు స్పృహ ఏమాత్రం తగ్గట్లేదు. అప్పుడేం చేయాలి? రెండింటికీ న్యాయం చేసేలా డ్రెస్‌సెన్స్‌ ఉండాలి. స్టైల్‌కి స్టైల్‌, చలికి చెక్‌. ఇది జరగాలంటే మన వార్డ్‌రోబ్‌లో ఈ జాబితా ఉండి తీరాల్సిందే.

* స్కిన్నీ జీన్స్‌: చలిని కాచుకుంటూనే స్టైలిష్‌గా కనిపించే స్కిన్నీ జీన్స్‌ ఈ సీజన్‌కి చక్కగా సరిపోతాయి. ఫ్లాట్‌ హీల్స్‌, లెదర్‌ జాకెట్‌, సిల్క్‌ డ్రేప్‌ టాప్‌.. జీన్స్‌కి జతగా ఏం వేసుకున్నా అమ్మాయిలు అందంగానే కనిపిస్తారు.

* స్వెటర్‌: వింటర్‌లో అలక్ష్యం చేయలేని ఔట్‌ఫిట్‌ స్వెటర్‌. ఇందులోనూ పర్సనాలిటీ, వాడకానికి అనుగుణంగా కార్డిగన్‌, నెక్‌, స్లీవ్‌, ఫ్యానీ, టర్టిల్‌ నెక్‌.. అంటూ రకాలున్నాయి. వీటికి జతగా మిడీ స్కర్ట్‌, జీన్స్‌, ట్రోజర్‌, లెదర్‌ ప్యాంట్‌.. వేస్తే మోడర్న్‌ లుక్‌ ఖాయం.

* ఫెడోరా: స్టైల్‌కి స్టైల్‌, తలకి వెచ్చదనం కావాలి అనుకుంటే అమ్మాయిలైనా, అబ్బాయిలైనా ఈ వింటర్‌లో తమ వార్డ్‌రోబ్‌లో కచ్చితంగా చేర్చుకోవాల్సింది ఫెడోరా టోపీ. ఇందులోనూ ఊలు, ఫెల్ట్‌ ఫెడోరాలు చలిని తరిమికొడతాయి.

* పఫర్‌ జాకెట్‌: ఇవి కుర్రాళ్ల స్పెషల్‌. చలి తీవ్రంగా ఉన్నప్పుడు ఒంటికి వెచ్చదనం ఇస్తూనే అబ్బాయిలకు మ్యాన్లీ లుక్‌ తెస్తుందీ జాకెట్‌.

* ఓవర్‌ ద నీ బూట్లు: ఆధునికంగా, డైనమిక్‌గా కనిపించాలి అనుకునే అమ్మాయిలు తప్పక ఆదరించాల్సింది మోకాళ్ల దాకా ఉండే బూట్లు. జీన్స్‌, స్కర్ట్‌, జంపర్స్‌తో కలిపి వేస్తే చక్కనమ్మలు మరింత గ్లామరస్‌గా కనిపిస్తారు.

* టర్టిల్‌ నెక్‌ టాప్‌: ఒంటికి వెచ్చదనం, స్టైల్‌ మేళవింపు తప్పనిసరి అనుకుంటే యూత్‌ వీటిని ప్రయత్నించొచ్చు. వీటిపై స్వెటర్‌, స్లీవ్‌లెస్‌ డ్రెస్‌ ఏదైనా వేసుకోవచ్చు. బాటమ్‌లో జీన్స్‌ బాగుంటాయి.

* లెదర్‌ జాకెట్‌: ఈ చలికాలాన్ని స్టైలిష్‌గా మార్చేయాలి అని కంకణం కట్టుకున్న కుర్రకారు తమ ఒంటిపై చోటివ్వాల్సింది లెదర్‌ జాకెట్‌కి. ఎలాంటి డ్రెస్‌పై అయినా వీటిని ధరించవచ్చు.

* గ్లౌజులు: చేతుల్ని జేబుల్లో పెట్టుకుంటే చలి తగ్గొచ్చుగాక.. స్టైల్‌గా కనిపించాలంటే చేతులకు గ్లౌజుల తొడుగులు వేయాల్సిందే. వేరే చెప్పేదేముంది? వీటితో రెండిందాలా ఉపయోగమని!