Updated : 12 Mar 2022 04:41 IST

ఒత్తిడి మంచిదే!

‘ఈ ఒత్తిడి తట్టుకోలేకపోతున్నా’, ‘పని భారం మొత్తం నాపైనే పడుతోంది.. ఈ ఉద్యోగం మానేసి వేరేది వెతుక్కోవా లనుకుంటున్నా’ ఇలాంటి నిట్టూర్పులు.. మనం చాలానే వింటుంటాం. నిజానికి కెరియర్‌లో ఇలాంటి ఒత్తిళ్లు, బాధలు మంచివేనంటారు విశ్లేషకులు. ఎలాగంటే...

* ఉద్యోగంలో చేరిన కొత్తలో పని ఎలా చేయాలో అర్థం కాక, బాస్‌ని ఎలా మెప్పించాలో తెలియక కొంత ఆందోళనకు గురవుతాం. అయినా నేర్చుకోవాలనే తపన, రాణించాలనే కసి ఉండటంతో కొద్దిరోజుల్లోనే ఒత్తిడి మటుమాయమవుతుంది. తొలినాటి రోజుల్లోని ఆ తత్వాన్నే అలవరుచుకుంటే.. ఒత్తిడి పెద్ద ఇబ్బందేం కాదంటారు.

* పని చేస్తున్నప్పుడు పొరపాట్లు, బాస్‌తో చీవాట్లు సహజం. దాన్నే తలచుకుంటూ కూర్చుంటే ఒత్తిడి పెరుగుతుంది. కారణాలు వెతికి, మరోసారి ఆ పరిస్థితి పునరావృతం కాకుండా చూసుకుంటే రేపటి రోజు కచ్చితంగా బాగుంటుంది. అంటే ఒత్తిడే పరోక్షంగా విజయానికి వారధిగా మారుతుందన్నమాట.

* స్వల్ప, మధ్యస్థాయి ఒత్తిడితో శరీరంలో రోగనిరోధక వ్యవస్థకు మేలు చేసే ‘ఇంటర్‌ల్యూకిన్స్‌’ అనే సైటోకైన్ల సముదాయం ఉత్తేజితం అవుతుందంటారు వైద్య పరిశోధకులు. తద్వారా మనం మరింత చురుగ్గా ఉంటూ.. మరింత మెరుగ్గా పని చేస్తాం.

* ఒత్తిడితో తాత్కాలికంగా కొంచెం ఇబ్బంది పడ్డా.. పనిలో అందరికన్నా ముందుండాలనే పోటీ తత్వం, పదోన్నతులు పొందాలనే తపనని ప్రేరేపిస్తుంది. ఉద్యోగి ఒక కంఫర్ట్‌ జోన్‌లోనే ఉండిపోకుండా తనకి లక్ష్యాలు నిర్దేశిస్తుంది.

* పని ఎక్కువైతేనే కాదు.. పక్కవాళ్లు త్వరగా పదోన్నతుల నిచ్చెన ఎక్కుతున్నా ఒత్తిడి ఒంట్లోకి ప్రవేశిస్తుంది. ఈ పోటీలో నేనూ ఉండాలి అనుకునేవాళ్లు కొత్త నైపుణ్యాలు అలవరచుకుంటారు. కష్టపడటం నేర్చుకుంటారు. పదుగురితో అభిప్రాయాలు పంచుకుంటూ సామాజిక బాంధవ్యాలూ మెరుగుపరచుకుంటారు.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని