గెలుపు అజెండా..

స్ఫూర్తి కెరటం

తాజా అధ్యయనం ప్రకారం గడిచిన ఐదేళ్లలో.. దేశంలో ప్రారంభమైన మొత్తం అంకుర సంస్థల్లో 11 శాతం మాత్రమే లాభాల బాట పట్టాయి. వీటిని ముందుండి నడిపించిన విజేతల్లో ఉండే లక్షణాలేంటని ఆరా తీస్తే..

నిరంతర ఆలోచనలు: సంస్థ మనుగడ, అవకాశాలు అందిపుచ్చుకోవడం కోసం విజేతలు రోజురోజుకీ కొత్త ఆలోచనలు చేస్తూనే ఉంటారు. ప్లాన్‌ ఏ విఫలమైతే.. ఈ ఔత్సాహికుల దగ్గర బి, సి, డి.. ఇలా లెక్కలేనన్ని ప్రత్యామ్నాయాలుంటాయి.

తీరిక ఉండదు: ఖాళీగా ఉండటం.. సరదాగా గడపడం.. వీళ్ల డిక్షనరీలోనే ఉండదు. నిరంతరం ఆలోచిస్తుంటారు, అన్వేషిస్తారు. ఈ పనిమంతులు పని పూర్తయ్యేవరకు ఓ పట్టాన కదురుగా ఉండరు.

వదిలేయరు: ఎంత గొప్పవారికైనా పట్టినదంతా బంగారం కాదు. ప్రతి ఒక్కరికీ ఓటములుంటాయి. అయినా వీళ్లు కడవరకూ ప్రయత్నించిగానీ కాడి వదిలేయరు. ఓటమి తొందరగా ఒప్పుకునే రకం కాదు. వందశాతం పోరాడతారు.

నేర్చుకునే గుణం: అన్నీ నాకే తెలుసు.. నేనే మోనార్క్‌ అనే గుణం అస్సలు ఉండదు. కార్యాలయంలో అటెండరు నుంచి పెద్ద కంపెనీ సీఈవో వరకు.. ప్రతి ఒక్కరి నుంచీ నేర్చుకోవాలని భావిస్తుంటారు. కొత్త విషయం కనుగొనాలని తపిస్తారు.