నమ్మకమే ఆయుధం

చదివింది పదోతరగతే. పెట్రోల్‌ బంక్‌లో పని చేసిన నేపథ్యం. అయినా ఆలోచనలు ఆకాశంలో ఉండేవి. వాటిని ఆచరణలో పెట్టారు. అలుపెరుగక శ్రమించారు. భారత వ్యాపారం దిగ్గజంగా ఎదిగారు. ఎందరో ఔత్సాహికులకు మార్గదర్శిగా మారారు. ఆయనే రిలయన్స్‌ వ్యవస్థాపకులు ధీరూభాయ్‌ అంబానీ. పలు సందర్భాల్లో ఆయన చెప్పిన స్ఫూర్తిదాయక మాటలివి.
* ఏ లక్ష్యాన్నీ తేలికగా వదలను. కడదాకా ప్రయత్నిస్తాను. గెలుస్తాననే నమ్మకమే నా ఆయుధం.
* గొప్ప ఆలోచనలు, ఆచరణలో మెరుపు వేగం.. ఇవే నా అస్త్రాలు. సృజనాత్మకత ఏ ఒక్కరి సొత్తూ కాదు.
* అవకాశాల్ని మనమే  వేటాడాలి. అప్పుడు కీర్తి, సంపద మనల్ని వెతుక్కుంటూ వస్తాయి.రి పేదవాడిగా పుట్టడం నీ తప్పు కాదు. పేదవాడిగా చనిపోవడం కచ్చితంగా నీ అసమర్థతే.
* అంకితభావం, శ్రద్ధతో పని చేస్తే విజయం నీ బానిస అవుతుంది.
* గడ్డు పరిస్థితుల్లోనూ లక్ష్యాలు వదలొద్దు. కష్టాలను అవకాశాలుగా మార్చుకోవాలి.
* యువతలో శక్తి అనంతం. వాళ్లకి సరైన పని వాతావరణం కల్పిస్తే, వెన్నంటి ప్రోత్సహిస్తే ఊహించని ఫలితాలు ఇస్తారు.
*  నీ కలల్ని నీవు నిర్మించుకోకపోతే.. నీ కలలపై వేరొకరు నిచ్చెనలు వేసుకొని ఎదుగుతారు.
 

• Telugu news
• dhirubhai ambani
• reliance