ఇక గ్రాఫిక్‌ల వంతు..

ఫ్యాషన్‌

ఓఎస్‌ వెర్షన్లు అప్‌డేట్‌ అయినట్టే.. రోజు రోజుకీ మనం అప్‌డేట్‌ అవుతున్నాం. దీంతో మన చుట్టూ ఉండే అన్ని రంగాలు పంథా మార్చుకుంటూ అప్‌డేట్‌ అవుతున్నాయి. వాటిల్లో ముఖ్యంగా ఫ్యాషన్స్‌. టీ షర్టుల గురించి అయితే చెప్పక్కర్లేదు. ఎప్పటికప్పుడు భిన్నమైన లుక్‌తో ట్రెండీగా మార్కెట్‌లో సందడి చేస్తాయ్‌. అలాంటివే ఈ ‘గ్రాఫిక్‌ టీషర్టులు’. ఇప్పుడు ఇవో నయా ట్రెండ్‌. స్టైలిష్‌గా కనిపించేందుకు వీటిని యువత క్రేజీగా ఫాలో అవుతున్నారు. జీన్స్‌ ఫ్యాంట్‌లపై వీటిని ధరిస్తే ఆ లుక్కే వేరు. మరింత ఆకట్టుకునేలా కనిపించేందుకు టీ షర్ట్‌లపై జాకెట్‌ వేసుకోండి. మీ ఆసక్తుల్ని తెలిపేలా కామిక్‌లు, సూపర్‌ హీరోల బొమ్మల్ని గ్రాఫిక్స్‌ రూపంలో ప్రింట్‌ చేస్తున్నారు. బ్యాట్‌మెన్‌, థోర్‌, జోకర్‌.. ఇలా ఎంపిక మీ ఇష్టం.