షూపర్‌ సొగసుగా!

కాలికి వేసుకునేవే కదాని షూలని తేలిగ్గా తీసిపారేయడానికి లేదు. షూస్‌ అంటే స్టైల్‌కి సింబళ్లు. కుర్రాళ్లని సోగ్గాళ్లుగా మార్చేసే సాధనాలు. వీటిలో రకరకాలున్నాయి. సందర్భాన్ని బట్టి ఈ ఐదూ మీ ర్యాక్‌లో తప్పనిసరిగా ఉండాలంటారు ఫ్యాషన్‌ గురూలు.

డ్రెస్‌ షూలు: ఇవి ఫార్మల్‌  షూలు. ప్రతి కుర్రాడికి అత్యవసరం. వీటిలో పాపులర్‌ నలుపు, గోధుమ రంగువి. ఏ డ్రెస్‌కైనా నప్పుతాయి. సూట్లు, చినోస్‌, జీన్స్‌.. వేటిపై అయినా ఈ ఫార్మల్స్‌ వేసుకోవచ్చు. సౌకర్యం, సౌలభ్యం కావాలనుకుంటే వీటిలాగే ఉండే స్లిప్‌-ఇన్స్‌ ప్రయత్నించవచ్చు.

స్నీకర్స్‌: స్నీకర్స్‌ జత లేకుండా కుర్రాళ్ల షూ కలెక్షన్‌ పూర్తవదు.  స్టైలిష్‌గా, ఆధునికంగా కనిపించాలనుకునే అబ్బాయిలు ఓ జతను ర్యాక్‌లో పెట్టుకోవచ్చు. వీటిలో ఫ్యాన్సీ రంగులు ఎంచుకుంటే అందరి చూపులు మీపై పడటం ఖాయం.

బూట్స్‌: బూట్లు ఎప్పటికైనా హాట్‌నే. మ్యాన్లీగా కనిపించాలనుకునేవాళ్లు ఎంచుకోవచ్చు. ఇవి చిన్న హీల్స్‌తో వస్తాయి. ఎత్తు తక్కువగా ఉన్నవాళ్లకు బాగుంటాయి. వీటిలో ముదురు గోధుమవి అన్ని రంగుల డ్రెస్‌లకు అతికినట్టు ఉంటాయి.

లోఫర్స్‌: పార్టీలు, ఔట్‌డోర్‌ కార్యక్రమాలకు వెళ్లినప్పుడు ఇవి తప్పనిసరిగా ఉండాలి. లెదర్‌ లోఫర్స్‌, వాటికి తగ్గ డ్రెస్‌ వేస్తే ఎలాంటి కుర్రాడైనా హుందాగా కనిపిస్తాడు. దీంతోపాటు ఫార్మల్‌ షర్ట్‌ వేసి టై కడితే మరింత గాంభీర్యం వచ్చినట్టే.