Published : 02 Apr 2022 02:16 IST

ఎండల్లో హాయ్‌ హాయ్‌..

వేసవి తరుముకొచ్చేసింది.. కుర్రాళ్లు సొగసుల్ని పరుగులు పెట్టించాల్సిన తరుణం వచ్చేసింది. ఒంటికి సౌకర్యంగా ఉండే దుస్తులు వేస్తూనే.. స్టైల్‌లో రాజీ పడకుండా చెలరేగిపోవడానికి ఇవిగోండి చిట్కాలు.

పోలోలు మేలు: ఫార్మల్‌గా కనిపించాలి, చొక్కాలకు ప్రత్యామ్నాయం కావాలి.. అనుకుంటే పోలో టీషర్టులు వేయండి. జీన్స్‌, చినోస్‌, ట్రౌజర్లు.. వేటికైనా జతగా సరిపోతాయి. పార్టీవేర్‌ కోసం జీన్స్‌తో కలిపి వేయండి. కార్యాలయాలకైతే చినోస్‌ లేదా ట్రౌజర్లు జత చేయండి.

షార్ట్స్‌: వేసవిలో వార్డ్‌రోబ్‌లలో తప్పకుండా ఉండాల్సినవి. సౌకర్యం, స్టైల్‌ వీటి సొంతం. టీషర్టులతో కలిపి వేస్తే బాగుంటాయి. కాకపోతే ఇంట్లో, రోజువారీ వాడకానికే నప్పుతాయి. నేవీ బ్లూ, గ్రే, బ్లాక్‌, మెరూన్‌ రంగులు ఎవరికైనా నప్పుతాయి.

జీన్స్‌: ఒంటికి వేడిని తగ్గించాలంటే.. ముదురు, వాష్డ్‌ జీన్స్‌ కన్నా తేలికైనవి ధరించాలి. వేసవిలో తప్పకుండా దూరం పెట్టాల్సింది యాసిడ్‌ వాష్డ్‌ జీన్స్‌. సొగసుగా, సౌకర్యంగా ఉండాలనుకుంటే కుర్రాళ్లు చిరుగుల జీన్స్‌ ప్రయత్నించవచ్చు.

పాదరక్షలు, షూలు: ఎండాకాలంలో దుస్తుల  ఎంపికతోపాటు సరైన బాటమ్‌వేర్‌ ఎంచుకుంటేనే అలంకరణ పూర్తైనట్టు. ఈ సమయంలో సౌకర్యంగా ఉండేవి స్నీకర్లు, లోఫర్లే. తేలికగా ధరించవచ్చు. కాళ్లకి గాలి అందుతుంది. ఫార్మల్‌, సెమీ ఫార్మల్‌ దుస్తులకు సైతం సరిపోతాయి.

డిజైన్లు, రంగులు: ఈ వేసవిలో కంటికింపుగా, చూడటానికి అందంగా కనిపించాలంటే ప్యాటర్న్‌లు, చెక్స్‌, చిన్న గళ్లు, టై అండ్‌ డై.. డిజైన్లు ఎంచుకోవచ్చు. లేత రంగులైతే వేడి దరి చేరకుండా కాపాడతాయి.

- షణ్మిత గాయత్రి, ఫ్యాషన్‌ డిజైనర్‌


Advertisement

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని