జుత్తుతో.. కత్తిలా!

కుర్రాళ్ల సొగసుని రెట్టింపు చేయడంలో హెయిర్‌స్ట్టైల్‌దీ కీ రోలే. అందుకే క్రాఫ్‌తో ప్రయోగాలు చేసి కత్తిలా కనిపించేవాళ్లు చాలామందే ఉంటారు. అలా జుత్తుతో మెరుస్తున్న కొన్ని టాప్‌ ట్రెండ్స్‌ ఇవి. వీలైతే మీరూ ప్రయత్నించండి.  

* టేపర్‌ ఫేడ్‌: ఇది విరాట్‌ కోహ్లి ఫాలో అయ్యే స్టైల్‌. తల పైభాగంలో జుత్తు ఓ మోస్తరుగా ఉండి.. కిందికి వచ్చినకొద్దీ కురచ అవుతుంది. గెడ్డాన్ని ట్రిమ్‌ చేస్తూ.. చుబుకం భాగంలో కాస్త దట్టంగా ఉంటుంది.

* రంగులద్దండి: ఆడా, మగా తేడా లేకుండా జుత్తుకి రంగులేసే యువత ఈ మధ్యకాలంలో బాగా పెరిగిపోతున్నారు. మనవాళ్ల చర్మానికి.. పసుపు, ముదురు ఎరుపు రంగులు బాగా నప్పుతాయంటున్నారు స్టైలిస్ట్‌లు. కాలేజీ విద్యార్థులు, కొందరు కార్పొరేట్‌ ఉద్యోగులు సైతం ఈ రంగుల జుట్టుకి ఫిదా అవుతున్నారు.

* డిస్‌కనెక్టెడ్‌ అండర్‌కట్‌: వెనక, చుట్టుపక్కల పూర్తి క్లీన్‌గా ఉండి.. పైభాగంలోనే ఒత్తుగా ఉండే స్టైల్‌ ఇది. నాటు భాషలో చెప్పాలంటే ఇది డిప్ప కటింగ్‌.. కాలేజీ కుర్రాళ్లు ఎక్కువగా ఇష్టపడుతున్నారు.
* బజ్‌ కట్‌: జుత్తుని అందంగా.. కురచగా కత్తిరించుకోవడమే ఈ  స్టైల్‌. భారీ గడ్డం ఉన్నవాళ్లకు ఇది బాగా సూటవుతుంది. కరోనా తర్వాత కుర్రకారు ఈ స్టైల్‌ని అతిగా ఆదరిస్తున్నారు.

* క్విఫ్‌: పక్కలు, వెనక కురచగా కత్తిరించుకొని, మధ్యలో ఎక్కువ జుత్తు ఉంచుకోవడమే క్విఫ్‌  స్టైల్‌. సెలెబ్రిటీలను ఆరాధించే, ఆధునికంగా కనిపించాలనుకునే యువత దీన్ని ఎక్కువగా ఫాలో అవుతున్నారు.