వీపు లేపేస్తున్నారు!

వీపు లేపేస్తున్నారు!

అప్సరసలు.. అతిలోక సుందరీమణులు.. తెరపై మెరిసే తారామణులకు ఇలాంటి పేర్లెన్నో. అందంగా ఉంటారని.. మనసుకి కనువిందు చేస్తారని ఈ కిరీటాలు. అన్నట్టు ఈ సొగసుల ప్రదర్శన కేవలం తెరపైనే కాదండోయ్‌.. ప్రైవేటు పార్టీలు.. అవార్డు ఫంక్షన్లల్లోనూ కాస్త ఎక్కువగానే ఉంటోంది. దీనికి బాలీవుడ్‌, టాలీవుడ్‌ అనే తేడాలేం లేవు. ఒక్కో సమయంలో, ఒక్కో సందర్భంలో యథాశక్తి హీరోయిన్లు తమ అందాలను కుమ్మరిస్తూనే ఉన్నారు. అలా ఈమధ్య కాలంలో బ్యాక్‌లెస్‌ స్టైల్‌తో దుమ్ము రేపే ట్రెండ్‌ జోరు మీదున్నట్టు కనిపిస్తోంది. సంప్రదాయ పరికిణీలపై రవికలైనా.. ఆధునిక గౌన్లు అయినా.. మోడ్రన్‌ షిమ్మర్‌లైౖనా.. స్టైల్‌ని అనువదించడం తేలిక. పైగా చూపరులు.. అభిమానులను ఆకట్టుకోవడానికిదో షార్ట్‌కట్‌. మనతో పోలిస్తే ఈ బ్యాక్‌లెస్‌ సొగసుల మేళా బాలీవుడ్‌లోనే ఎక్కువైనా ఇక్కడ బేర్‌బ్యాక్‌ బేబ్స్‌ ఉన్నారు. ముంబైలో ఆలియాభట్‌, సన్నీలియోని, దీపికా పదుకొనే.. ప్రియాంకా చోప్రా.. శ్రద్ధాకపూర్‌లాంటి ముద్దుగుమ్మలు వీపు కనిపించేలా వస్త్రధారణ చేస్తూ మెరుపులు మెరిపిస్తుంటే వాళ్లకి పోటీగా మన ఫిల్మ్‌నగర్‌ భామలూ పోటీ పడుతున్నారు. అందాల శ్రియా ఓ చిత్ర ఆడియో విడుదల కార్యక్రమంలో బ్యాక్‌లెస్‌ స్టైల్‌తో ఆకట్టుకుంటే.. ముద్దుగుమ్మ సమంతా ఓ అవార్డుల ప్రదానోత్సవానికి బేర్‌బ్యాక్‌తో వచ్చి తనే సెంటరాఫ్‌ అట్రాక్షన్‌గా నిలిచింది. ప్రైవేటు పార్టీలో మంజరీ ఫడ్నిస్‌, దుకాణం ప్రారంభోత్సవంలో రెజీనా ఈ బాట పట్టారు. మొత్తానికి అక్కడా, ఇక్కడా అనే తేడాల్లేకుండా అందం చూడవయా.. ఆనందించవయా.. అంటూ అంతా కుర్రకారును పారవశ్యంలో ముంచెత్తుతూనే ఉన్నారు. ఈ స్టైల్‌ని పుణికిపుచ్చుకొని కాలేజీ అమ్మాయిలు వార్షికోత్సవాల్లో రెచ్చిపోతున్నారు. పక్క చిత్రాలు చూస్తే ఆ సిత్రం బోధపడుతుంది!