యువత మెచ్చే.. బీఎండబ్ల్యూ బండి!

ద్విచక్ర వాహనాల్ని, సంస్థ అమ్మకాల్ని పరుగులు పెట్టించేది యువతే. అందుకే వాళ్లని ఆకట్టుకునేలా ‘బీఎండబ్ల్యూ మోటరాడ్‌’ ఎఫ్‌900 ఎక్స్‌ఆర్‌ మోడల్‌ విపణిలోకి తీసుకొచ్చింది. ఫీచర్లు ఏంటంటే..

సాంకేతికాంశాలు: 895 సీసీ, 4 స్ట్రోక్‌ ఇన్‌లైన్‌ 2 సిలిండర్‌ ఇంజిన్‌తో పని చేస్తుంది. ఇంజిన్‌ సామర్థ్యం 105హెచ్‌పీ.

అత్యధిక వేగం: 200కి.మీ.లు/గంటకి. 3.6సెకన్లలో వంద కిలోమీటర్ల వేగం అందుకుంటుంది. 

ఫీచర్లు: 6.5 అంగుళాల టీఎఫ్‌టీ తెర ఉంది. వేగం, ఇంధనం, టార్క్‌.. వివరాలన్నీ అందులో చూడొచ్చు. దీన్ని బీఎండబ్ల్యూ మోటరాడ్‌ యాప్‌తో అనుసంధానం చేసుకోవచ్చు.

భద్రత: గేర్‌ షిఫ్ట్‌ అసిస్ట్‌ ప్రో, డైనమిక్‌ ఇంజిన్‌ బ్రేక్‌ కంట్రోల్, ఏబీఎస్, డైనమిక్‌ ట్రాక్షన్‌ కంట్రోల్‌.. ఇవన్నీ బండి ఎంత వేగంలో ఉన్నా రైడర్‌కి వాహనంపై నియంత్రణ ఉండేలా చేస్తాయి. 

ధర: రూ.12.30లక్షలు (ఎక్స్‌ షోరూం)