నీకు నువ్వే ముఖ్యం

నటన, నడత, వ్యక్తిత్వంతో కుర్రకారుకి దగ్గరైన హీరో విజయ్‌ దేవరకొండ. పలు సందర్భాల్లో యువతకి పనికొచ్చేలా చెప్పిన కొన్ని మాటలు.
* కాలం గడిచేకొద్దీ నీ ప్రపంచంలోని వ్యక్తులు, వాళ్లతో అనుబంధాలు మారిపోతుండొచ్చు. నీతో నీకున్న అనుబంధం మాత్రం ఎప్పుడూ మారదు. అందుకే నీకు నువ్వే ముఖ్యం.
* అందరి కోసం, అందరి సంతోషం కోసం మనం నటించొచ్చు. మనల్ని మనమే మోసం చేసుకునేలా నటించొద్దు.
* నువ్వు తప్పు చేయనప్పుడు, నీలో లోపం లేనప్పుడు ఎవరికీ భయప డాల్సిన పని లేదు.
* జీవితం కొనసాగిస్తూనే ఉండాలి. గతంతో అనుబంధం పెంచుకోవద్దు. ఆగిపోవద్దు.
* మనసులో కల్మషం లేకపోతే, కష్టపడటాన్ని భారంగా భావించకపోతే మన ముఖం అందంతో వెలిగిపోతుంది.
* జీవితమే అన్నీ నేర్పిస్తుంటుంది. అనుభవాన్ని మించిన పెద్ద గురువు ఎవరూ ఉండరు.

• Telugu news
• vijai davarakonda
• youth
• dialogue