బోర్‌.. ఇలా పరార్‌!

‘అరే మామా... బోర్‌ కొడుతుందిరా.. ఏదైనా మూవీకెళ్దామా?’, ‘ఈ రోజు పనేం చేయాలనిపించడం లేదు డియర్‌.. ఏవైనా కబుర్లు చెప్పు’ ఇలాంటి సందర్భాలు ప్రతి ఒక్కరి జీవితంలో ఉంటాయి. ఇంతకీ ఈ బోర్‌డమ్‌ వెనక ఉన్న మతలబు ఏంటో తెలుసుకుంటే.. ఆ పదానికి చోటు ఉండదండోయ్‌. శరీరానికి తగినంత విశ్రాంతి లేకపోవడం, పోషకాహార లోపం, మానసిక అసమతౌల్యం, సుదీర్ఘకాలంగా ఒకే పని చేయడం.. వీటివల్లే బోర్‌డమ్‌ అనే భావన కలుగుతుందంటారు వైద్య నిపుణులు. చేస్తున్న పనిపై ఆసక్తి లేకపోవడం, అసంతృప్తిగా ఉండటం, ఏకాగ్రత కుదరకపోవడమూ ఆ బాపతే. ఈ సమయంలో బుర్ర ఖాళీగా ఉంటుంది. మనసులో ఎలాంటి ఫీలింగ్స్‌ ఉండవు. ఏదో తెలియని అసౌకర్యం.. ఇది ముదిరితే మానసికంగా కుంగిపోతారట. మరి బోర్‌డమ్‌ని పారదోలాలంటే ఏం చేయాలి?
* చేయాల్సిన పనుల జాబితా రాసుకొని ఒక్కొక్కటిగా చేయడం.
* బైక్‌, కారు, ఇల్లు శుభ్రం చేయడంలాంటి చిన్నచిన్న పనులు చేయడం.
* వెరైటీగా ఓ కొత్త వంట తయారు చేయడం.
* ఎక్కువ సమయం బోర్‌ కొడుతుంటే.. ఏదైనా స్వచ్ఛంద సంస్థ తరపున పని చేయడం.
* చిన్ననాటి స్నేహితులతో మాట కలపడం.. మనసు విప్పడం.
* మంచి పుస్తకం చదవడం, తోట పని, జిమ్‌కెళ్లడం.
* ఏదైనా ఆన్‌లైన్‌ క్లాసులో చేరడం.
* స్నేహితుల పుట్టినరోజులు, ప్రత్యేక సందర్భాలకు చిన్నచిన్న బహుమతులు తయారు చేయడం.
* కొత్త భాష నేర్చుకోవడం.
* ఒక్కసారి మనసు పెట్టి ఆలోచించండి బాస్‌. బోర్‌డమ్‌ని పారదోలే ఆలోచనలెన్నో వస్తాయి. అవి సమయాన్ని తినేసే వ్యర్థ వ్యాపకాలు కాకూడదనేది షరతు.