మేమో రకం

కొందరు కుర్రాళ్లు మరీ సినీజీవులు. అస్తమానం ఆ కబుర్లతోనే, ఆ లోకంలోనే విహరిస్తుంటారు. వాళ్లెలా ఉంటారో.. సరదాగా..

* సిలబస్‌ ఎంతవరకు వచ్చిందో తెలియదుగానీ ఏ సినిమా షూటింగ్‌ ఎంతవరకు వచ్చిందో ఇట్టే చెప్పగలం.

*  ఫిజిక్స్‌ ఫార్ములాలు గుర్తుండవుగానీ.. అభిమాన హీరో చిత్రాల బడ్జెట్‌, వసూళ్ల లెక్కలు మాకు కొట్టిన పిండే.

*  పేరెంట్స్‌ ఆస్తులు, అప్పులు తెలియకపోయినా.. నచ్చిన కథానాయకుడి సంపాదన ఎంతో అణా పైసలతో సహా లెక్కగట్టగలం.

*  మనల్ని ఎవరైనా తిడితే గొడవ ఎందుకులే అనుకుంటాంగానీ.. మా హీరోని తిడితే మాత్రం వాడి తాట తీస్తాం.

*  మా ఫ్యూచర్‌ ప్లాన్స్‌ గురించి పెద్దగా ఆలోచించం గానీ.. మా సెలెబ్రెటీ సినిమా ఆడకపోతే.. తెగ బెంగ పెట్టుకుంటాం.

అభితేజ్‌రెడ్డి, హైదరాబాద్‌