కుర్ర నేస్తం.. అమ్మకాలు ఘనం

మేటి పికప్‌.. ఎలాంటి దారుల్లో అయినా దూసుకెళ్తే సత్తా.. స్పోర్ట్స్‌ యుటిలిటీ వాహనాల సొంతం. అందుకే ఇవి కుర్రకారుకి ప్రియనేస్తాలు.  గతేడాది అత్యధికంగా అమ్ముడైన ఎస్‌యూవీ టాటా నెక్సాన్‌. ఏంటి దీని ప్రత్యేకత అంటే..
ఇంజిన్‌: పెట్రోల్‌, డీజిల్‌ రెండు రకాల్లో అందుబాటులో ఉంది. పెట్రోల్‌ వేరియంట్‌ 1.2లీటర్ల టర్బోఛార్జ్‌డ్‌, 118 బీహెచ్‌పీ సామర్థ్యంతో పని చేస్తుంది. డీజిల్‌ రకం 1.5లీటర్ల టర్బోఛార్జ్‌డ్‌ ఇంజిన్‌ 108బీహెచ్‌పీ సామర్థ్యంతో దూసుకెళ్తుంది.
ప్రత్యేకతలు: నాలుగు మీటర్ల లోపు విభాగంలో 5 స్టార్‌ రేటింగ్‌ భద్రతా ప్రమాణాలు ఉన్న అతి కొద్ది కార్లలో ఇదొకటి. మల్టిపుల్‌ ఎయిర్‌బ్యాగ్‌లు, యాంటీ లాక్‌ బ్రేకింగ్‌ సిస్టమ్‌, రివర్స్‌ పార్కింగ్‌ సెన్సర్లు, కెమెరాలున్నాయి. ఎకో, సిటీ, స్పోర్ట్‌ అనే మూడురకాల డ్రైవింగ్‌ మోడ్‌లతో దూసుకెళ్తుంది.
మైలేజీ: 21.10కి.మీ./లీ (డీజిల్‌)
17.57కి.మీ./లీ (పెట్రోల్‌)
అత్యధిక వేగం: 162కి.మీ./గం
ధర రూ.7.69లక్షలు (ఎక్స్‌షోరూం)