ఎంత.. అన్యాయం!

* క్లాసులు బోర్‌ కొట్టి.. కడుపునొప్పి అని అబద్ధం చెప్పి.. డుమ్మా కొట్టా. మర్నాడు వెళ్తే ఫ్రెండ్‌ చెప్పాడు. ‘నిన్న లెక్చరర్లు ఎవరూ రాలేదు. తరగతులు జరగలేదని’.

* చిన్నప్పట్నుంచి పెన్ను మూతని రుచి చూడకుండా పడేసిందే లేదు! అందుకే చెబుతుంటా.. ‘పెన్ను పోతే కొనగలం గానీ క్యాప్‌ని కొనలేం’ అని.

* ఆఫీసుకొస్తే అన్నీ ఉచితం. వినోదానికి వై-ఫై, చల్లదనానికి ఏసీ, గాసిప్‌లు చెప్పే సహోద్యోగులు.. వీటితోపాటు బాస్‌ ఆఫీసుకు రాకపోతే.. ఆరోజు ఆనందం డబుల్‌ ధమాకా. ఇవన్నీ ఉన్నా ఆఫీసంటే చాలామందికి కడుపునొప్పి ఎందుకో అర్థం కాదు.

* అడగనిదే అమ్మైనా అన్నం పెట్టదంటారు. కానీ గంటకోసారైనా నోటిఫికేషన్ల రూపంలో నా ఆకలి గుర్తు చేస్తుంటుంది జొమాటో. కానీ ఏం లాభం? అంత ప్రేమే ఉంటే.. ఫ్రీగా ఫుడ్‌ పంపొచ్చుగా!

* కరోనా టైంలో కనీసం ఒక్క పరీక్ష రాయకున్నా సీనియర్లని పాస్‌ చేసేశారు. కష్టపడి రాసి నేను 34 మార్కులు తెచ్చుకున్నా ఫెయిల్‌ అంటున్నారు. ఎంత అన్యాయం?

* వేరే దేశాల్లో డిగ్రీ ఫెయిలైతే ‘ఫర్వాలేదు ఇంకోసారి ప్రయత్నించు’ అంటారు అమ్మానాన్నలు. మన దగ్గరైతే పెళ్లి చేసి పెద్ద ప్రమోషన్‌ ఇచ్చేస్తుంటారు. ఇదేం చిత్రమో..!    

సుంకి శ్రావణి