డియో మరింత కొత్తగా..

అమ్మాయి, అబ్బాయి అనే తేడా లేకుండా ఈ కాలం యువతకి నచ్చే వాహనం స్కూటర్‌. గేర్లు లేకుండా, తేలికగా రైడ్‌ చేసే ఈ బండిపై ఎవరైనా జామ్మంటూ దూసుకెళ్లొచ్చు. గతంలో ఉన్న మోడల్‌కి మరిన్ని మెరుగులద్ది ‘డియో-హెచ్‌ స్మార్ట్‌’గా తీసుకొస్తోంది హోండా కంపెనీ. దాని ప్రత్యేకతలు.
ఫీచర్లు: తాళం చెవి లేకుండానే పని చేసే.. కీలెస్‌ ఫంక్షన్‌, స్పైక్‌ స్థానంలో అలాయ్‌ చక్రాలు, బండి ఎక్కడున్నా తేలికగా గుర్తు పట్టే స్మార్ట్‌ ఫైండ్‌ ఫంక్షన్‌, సాఫీగా సాగిపోవడానికి సీవీటీ గేర్‌ బాక్స్‌.. కొన్ని ఫీచర్లు.
ఇంజిన్‌: 109.51సీసీ, 7.65బీహెచ్‌పీ, 9ఎన్‌ఎం సామర్థ్యంతో దూసుకెళ్తుంది.
డీఎల్‌ఎక్స్‌, స్టాండర్డ్‌ వెర్షన్లలో లభిస్తోంది.
ధర: రూ.70,211 (ఎక్స్‌ షోరూం)