మానేస్తున్నారా?

యూత్‌కి దూకుడెక్కువ! చేస్తున్న ఉద్యోగం ఏమాత్రం నచ్చకపోయినా.. బాస్‌ పోరు భరించలేకున్నా.. వేరేచోట మంచి ప్యాకేజీ వస్తుందని భావించినా.. ఠపీమని ఉద్యోగం మానేస్తారు. ఈమధ్యలో ఏదైనా తలకిందులైతే ‘అయ్యో తొందరపడ్డానే..’ అని తెగ బాధ పడిపోతుంటారు. అందుకే ఈ కిందివి పాటించినప్పుడే.. జాబ్‌ మానేయాలంటారు పెద్దలు.

* మీ జీతానికి రెట్టింపు అదనపు ఆదాయం సంపాదిస్తున్నప్పుడు.
* ఉద్యోగం లేకపోయినా ఏడాదిపాటు నెట్టుకురాగలిగేలా బ్యాంకులో బ్యాలెన్స్‌ ఉన్నప్పుడు.
* స్టార్టప్‌, వ్యాపారం, ఇతర ఉపాధితో బతుకు బండి నడపగలిగేలా కచ్చితమైన నైపుణ్యం సాధించినప్పుడు.
* సొంత పనిలో నైన్‌ టూ ఫైవ్‌ పనివేళలు కుదరవు. రోజుకి 12 నుంచి 16 గంటలైనా చేయగలిగే ఓపిక ఉన్నప్పుడు.
* కొత్త పాత్రలో సర్దుకుపోయేలా ఓపిక ఉన్నప్పుడు, క్రమశిక్షణ పాటించగలినప్పుడు.