Published : 17 Jun 2017 01:25 IST

సినిమా వ్యక్తినే పెళ్లాడతా

సినిమా వ్యక్తినే పెళ్లాడతా

సినిమా జనాలకి ఏ విషయమైనా రహస్యమే. ప్రేమ, పెళ్లి విషయంలో అయితే మరీనూ. కానీ బాలీవుడ్‌ భామ కృతీసనన్‌కి ఈ దాపరికాలు ఏం ఉన్నట్టు లేవు. ప్రేమ, పెళ్లి, డేటింగ్‌ అన్నింటి గురించి చెప్పేస్తోంది. అన్నింటికన్నా చిత్రం ఏంటంటే తను చిత్ర పరిశ్రమకు చెందిన వ్యక్తినే ప్రేమించి పెళ్లాడుతుందట. ఎందుకిలా అంటే. తన మాటల్లోనే.

* సినిమా రంగానికి చెందిన వ్యక్తి అయితేనే వేళాపాళాలు లేని ఈ వృత్తిని బాగా అర్థం చేసుకోగలడు.

* ప్రేమ అనేది ప్రణాళికబద్ధంగా చేసే పని కాదు. అది మనసుకి సంబంధించిన విషయం. ఏ సందర్భంలో, ఎవరిపై, ఎలా పుడుతుందో చెప్పలేం.

* నేనిపుడు సింగిల్‌ని. కచ్చితంగా ఏదో ఒకరోజు ప్రేమలో పడతా. అప్పుడు చాటుమాటు సరసాలుండవు. ఆ విషయం అందరితో చెబుతా.

* తను సూపర్‌స్టార్‌.. జూనియర్‌.. కమెడియన్‌.. ఎవరైనా సరే. నా మనసుకి నచ్చినవాడైతే ప్రేమలో పడిపోతా.

* బాగా ధైర్యవంతుడు, ఎట్టి పరిస్థితుల్లోనూ నా చేయి వదలనివాడు.. నేనంటే అపరిమితమైన ప్రేమ చూపగలిగిన వ్యక్తి నాకు నచ్చుతాడు.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.