తేలిగ్గా వ్యాయామం... తీరైన ఫలితం!

ఎవరికి నచ్చినట్టు వారు..

భుజాలు, మెడ, వీపు, తొడలు, మోకాళ్లు... ఇలా శరీరంలోని ప్రతి భాగం, కండరాలపై ప్రభావం చూపేలా ఈ వ్యాయామం చేయొచ్చు. అందులో కొన్ని ముఖ్యమైనవి.
క్రాస్‌ బెంట్‌ ఓవర్‌ రో: మోకాళ్లను కిందికి వంచి వెన్నెముకను నిటారుగా ఉంచాలి. వంగేటపుడు రెసిస్టెన్స్‌ ట్యూబ్‌ని పైకి లాగుతూ వదలాలి. ఇలా చేస్తే వెన్నెముక కండరాలు గట్టి పడతాయి.
షోల్డర్‌ ప్రెస్‌: ఒక కాలుని వెనక్కి పెట్టి రెండో కాలు మోకాలిని వంచాలి. ఇలా చేస్తున్నపుడు మెకాలికి సమాంతరంగా ఉండాలి. తర్వాత ట్యూబ్‌ని పైకి లాగాలి. ఇలా చేస్తే భుజం కండరాలకు చక్కని వ్యాయామం.
బైసెప్‌ కర్ల్‌: ట్యూబ్‌ని కాలి కింద అదిమిపెట్టి చేతుల్ని మడిచి మళ్లీ నిటారుగా తీసుకురావాలి. ఇలాగైతే చేతి కండలు గట్టి పడతాయి.
సైడ్‌ ల్యాటరల్‌ రెయిజ్‌: ఈ వ్యాయామంతో మెడ, భుజాల్లోని త్రిభుజాకారపు కండరాలు గట్టి పడతాయి.

ప్రయోజనాలు...

* ఎలాంటి బరువులు ఎత్తకుండానే కఠిన కసరత్తులు చేస్తే వచ్చే ప్రయోజనాల్ని రెసిస్టెన్స్‌ బాండ్స్‌తో పొందగలం.
* ఇది ఫుల్‌ బాడీ వర్కవుట్‌. స్ట్రెంగ్త్‌ ట్రైనింగ్‌ వ్యాయామం. కొద్దిపాటి శిక్షణతో సొంతంగా కసరత్తులు చేయొచ్చు.
* బరువు ఉండవు, పెద్దగా స్థలం అక్కర్లేదు. బ్యాండ్స్‌ని ఎక్కడికైనా తేలికగా... వెంట తీసుకెళ్లవచ్చు.
* ధర కూడా తక్కువే. రూ.300లతో మొదలుపెట్టి రూ.2వేల వరకు ఉంటాయి. కోర్‌ కండరాల కోసమే ప్రత్యేకంగా రూపొందించిన ఫిగర్‌ 8 రెసిస్టెన్స్‌ ట్యూబ్‌లు కాస్త ఖరీదెక్కువ.
* మన స్థాయి, శక్తిని బట్టి లైట్‌, మీడియం, హెవీ అని సాగే గుణం, మందం ఎక్కువ తక్కువలు ఉన్నవి ఎంచుకోవచ్చు.

స్మార్ట్‌గా...

ఈ రెసిస్టెన్స్‌ వ్యాయామాన్ని సైతం స్మార్ట్‌గా చేసేందుకుLiftUp అనే స్మార్ట్‌ బ్యాండ్‌ వచ్చేసింది. యాప్‌ సాయంతో దీన్ని మన సెల్‌ఫోన్‌తో అనుసంధానించొచ్చు. వ్యాయామం ఎలా చేయాలో సూచనలిస్తుంది. ఎంత సమయం ఎఫెక్టివ్‌గా చేశామో, ఎన్ని కేలరీలు కరిగాయో చెబుతుంది. ధర.రూ.6500