కాల‘మ్యాన్‌’ని-2018

కుర్రకారుని అలరించే అమ్మాయిల ఫొటోలతో వచ్చే కింగ్‌ఫిషర్‌ కేలండర్ల గురించి అందరికీ తెలుసు! మరి అబ్బాయిలతో ఫొటోషూట్‌ చేసి ఏటా ఓ కేలండర్‌ విడుదల...

Published : 23 Dec 2017 01:59 IST

‘మగా’రవిందం
కాల‘మ్యాన్‌’ని-2018

కుర్రకారుని అలరించే అమ్మాయిల ఫొటోలతో వచ్చే కింగ్‌ఫిషర్‌ కేలండర్ల గురించి అందరికీ తెలుసు! మరి అబ్బాయిలతో ఫొటోషూట్‌ చేసి ఏటా ఓ కేలండర్‌ విడుదల చేస్తున్నారు. దీని గురించి మీకు తెలుసా? ఫ్యాషన్‌షో డైరెక్టర్‌ సునీల్‌ మెనన్‌ ఈ కేలండర్‌ రూపకర్త. హెచ్‌ఐవీ బాధితులను ఆదుకొనేందుకు అవసరమైన నిధుల సేకరణ కోసం 2010 నుంచి ఈ కేలండర్‌ రూపొందిస్తున్నారు. 2018 సంవత్సరం కేలండర్‌ను ఇటీవలే విడుదల చేశారు. దేశవ్యాప్తంగా పరిశీలించి 13 మంది మంచి బాడీబిల్డర్స్‌ను ఎంపిక చేసుకున్నారు. ప్రకృతి రమణీయమైన ప్రాంతాల్లో ఫొటో షూట్‌ చేశారు. వివిధ రకాల పూల మధ్య ఈ 13 మంది తమ శరీర సౌష్టవాన్ని ప్రదర్శిస్తున్న ఫొటోలతో ఈ కేలండర్‌ కళ్లు తిప్పుకోనివ్వడం లేదు. జర్బెరా, ఆల్‌మండ్‌, రోజ్‌, ట్యూబ్‌రోజ్‌, మారీగోల్డ్‌, ఎంథురియమ్‌... వంటి పుష్పాలు ఆ మోడల్స్‌ కండలని మరింత అందంగా చూపుతున్నాయి. ఈ మోడల్స్‌లో త్రిశూర్‌కు చెందిన నహస్‌ ఓ ఆటోడ్రైవర్‌ కావడం విశేషం. ఇలాంటి కొత్త వారి ప్రతిభను వెలికితీయడానికి నా కేలండర్‌ షూట్‌ ఉపయోగపడుతుందని సునీల్‌మెనన్‌ ఒకింత గర్వంగా చెబుతుంటారు.

Tags :

కాల‘మ్యాన్‌’ని-2018

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.