అదిరేటి లుక్కు కావాలంటే..

‘కట్‌’చేస్తే

కొందరబ్బాయిలకు సరికొత్త హెయిర్‌ స్టయిల్‌లో కనిపించాలనుంటుంది. సెలూన్‌ కెళ్లి ప్రయోగాలు చేసినపుడు టైం బాగోలేక స్టయిల్‌ కాస్త వికటిస్తే నెల రోజులు వేచి ఉండాల్సిందే. మంచి హెయిర్‌ స్టయిల్‌ మీరు కోరుకున్నట్లుండాలంటే కొన్ని టిప్స్‌ పాటించండి. అదిరేటి లుక్కు మీ సొంతం..
* ప్రభాస్‌, అల్లుఅర్జున్‌లానో లేదా బాలీవుడ్‌ హీరోలా హెయిర్‌ స్టయిల్‌ ఉండాలని సెలూన్‌లో చెబితే సరిపోదు. తగిన ఫొటోలతో వెళ్లి.. ఇలామాత్రమే చేయండంటే వాళ్లకి స్పష్టత ఉంటుంది.
* ఫొటో ఇచ్చి చేతులు దులిపితే సరిపోదు.. హెయిర్‌ స్టయిలిస్ట్‌తో మాటలు కలపాలి. తలకు తగినట్లుండాలని చెబితే స్టయిలిస్ట్‌ మరింత అర్థం చేసుకుంటాడు.
* మాట్లాడటం వల్ల అతనికీ కొత్త ఐడియాలొస్తాయి. అతను సూచించినది ఓకే అని తలూపకుండా.. ముఖానికి సరిపోతేనే చేయమని చెప్పాలి.