మిలన్‌లో అరుణ మిలమిలలు

అంతకుముందు కేన్స్‌ ఫిల్మ్‌ ఫెస్టివల్‌.. గతేడాది లండన్‌ ఫ్యాషన్‌వీక్‌.. తాజాగా మిలన్‌ ఫ్యాషన్‌ వీక్‌లో సందడి. హైదరాబాదీ ఫ్యాషన్‌ డిజైనర్‌ అరుణ గౌడ్‌ తన డిజైన్లతో ప్రపంచ వేదికలపై దూసుకెళ్తూనే ఉంది. ఈ ప్రతిష్ఠాత్మక షోలలో తాము రూపొందించిన ఔట్‌ఫిట్‌లు ప్రదర్శించాలని ప్రతి డిజైనర్‌ ఉవ్విళ్లూరుతుంటారు. కానీ ఈ అరుదైన అవకాశం దక్కేది అతి కొద్దిమందికే. రకరకాల వడపోతల అనంతరం ఎంపిక చేస్తుంటారు. ఈ సంవత్సరం మిలన్‌ ఫ్యాషన్‌ షోలో భారత్‌ నుంచి ఇద్దరికి మాత్రమే ఈ అవకాశం దక్కగా.. అందులో ఒకరు అరుణ. తను అంతర్జాతీయంగా పేరున్న మైఖేల్‌ సింకో, జోజో బ్రగాయిస్‌లాంటి వాళ్లతో కలిసి పాల్గొంది. ఆమె రూపొందించిన కాక్‌టెయిల్‌ గౌన్లతో షో స్టాపర్‌గా నిలిచింది. ‘స్కూబా, స్ట్రెచబుల్‌ మెటీరియల్‌తో ఈ డిజైన్లు రూపొందించాను. ఇవి పార్టీలు, ఫ్యాషన్‌ ఈవెంట్లకు అనుకూలంగా ఉంటాయి. ఈ డిజైన్లు ధరించిన మోడళ్లు ప్రఖ్యాత ఫ్యాషన్‌ షోలో క్యాట్‌వాక్‌ చేస్తూ ప్రదర్శించడం సంతోషంగా, గర్వంగా ఉంది’ అంటోంది అరుణ.