AndhraPradesh : ఏపీలో కొత్త కేసులు.. మరణాల్లో తగ్గుదల

అమరావతి: ఆంధ్రప్రదేశ్‌లో కరోనా కేసుల వ్యాప్తి కొనసాగుతూనే ఉంది. అయితే నిన్నటితో పోలిస్తే కేసుల్లో స్వల్ప తగ్గుదల నమోదైంది. అలానే మరణాలూ తగ్గాయి. 24 గంటల వ్యవధిలో 40,357 నమూనాలను పరీక్షించగా 11,573 పాజిటివ్‌ కేసులు నమోదైనట్లు రాష్ట్ర వైద్యారోగ్య శాఖ వెల్లడించింది. దీంతో మొత్తం కేసుల సంఖ్య 22,60,181కి చేరింది. కరోనా నుంచి ఒక్క రోజులో 9,445 మంది కోలుకోగా.. ఇప్పటి వరకు 21,30,162 మంది కోలుకుని డిశ్చార్జయ్యారు. 

కొవిడ్‌తో ఒక్క రోజులో ముగ్గురు మృతి చెందారు. చిత్తూరు, గుంటూరు, విశాఖపట్నం జిల్లాల్లో ఒక్కొక్కరు చొప్పున ప్రాణాలు విడిచారు. దీంతో నేటి వరకు కరోనాతో 14,594 మంది మృతి చెందినట్లు వైద్యశాఖ తెలిపింది. ప్రస్తుతం రాష్ట్రంలో 1,15,425 యాక్టివ్‌ కేసులు ఉన్నట్లు వెల్లడించింది. నేటి వరకు రాష్ట్రవ్యాప్తంగా 3,24,06,132 నమూనాలను పరీక్షించినట్లు ప్రభుత్వం పేర్కొంది.