Cm Jagan: ఏపీ గవర్నర్‌తో సీఎం జగన్‌ సమావేశం.. జిల్లాల పునర్విభజనపై చర్చ

అమరావతి: రాష్ట్ర గవర్నర్ బిశ్వభూషణ్ హరిచందన్‌తో ముఖ్యమంత్రి జగన్‌మోహన్‌రెడ్డి, భారతి దంపతులు మర్యాద పూర్వకంగా సమావేశమయ్యారు. దాదాపు అరగంట సమావేశమైన గవర్నర్‌, సీఎంలు సమకాలీన రాజకీయ అంశాలపై చర్చించారు. త్వరలో అసెంబ్లీ బడ్జెట్ సమావేశాలు జరగనున్నందున సీఎం జగన్‌ గవర్నర్ అనుమతి తీసుకున్నారు. ఉభయ సభలను ఉద్దేశించి ప్రసంగించాలని గవర్నర్‌ను ఆహ్వానించారు. మరోవైపు జిల్లాల పునర్విభజన విషయాన్ని కూడా సీఎం గవర్నర్‌కు వివరించారు. పార్లమెంటరీ నియోజకవర్గాల వారీగా జిల్లాల పునర్విభజన జరుగుతుందని, ప్రజల నుంచి వినతులను స్వీకరించి ఆమోదయోగ్యమైన విధానంలో నూతన జిల్లాలను ఏర్పాటు చేయనున్నామని సీఎం వివరించారు.