Andhra News: నా కారునే ఆపుతావా?.. కానిస్టేబుల్‌పై డ్రైవర్ దాడి

భీమవరం: పశ్చిమ గోదావరి జిల్లా భీమవరంలో విధుల్లో ఉన్న ట్రాఫిక్‌ కానిస్టేబుల్‌పై కారు డ్రైవర్‌ దాడికి దిగారు. అత్యంత వేగంతో వెళ్తున్న కారును నియంత్రించేందుకు కానిస్టేబుల్‌ యత్నించడంతో ఆగ్రహించిన కారు డ్రైవర్‌ సంతోష్‌ కానిస్టేబుల్‌పై దౌర్జన్యం ప్రదర్శించాడు. పిడి గుద్దులు గుద్దుతూ దాడి చేశాడు. కారు డ్రైవర్‌ది భీమవరంలోని గునిపూడిగా పోలీసులు గుర్తించారు. కేసు నమోదు చేసిన భీమవరం ఒకటో పట్టణ పోలీసులు డ్రైవర్‌ను రిమాండ్‌కు తరలించారు. విధుల్లో ఉన్న ట్రాఫిక్‌ కానిస్టేబుల్‌పై కారు డ్రైవర్‌ దాడి చేసిన దృశ్యాలు సామాజిక మాధ్యమాల్లో వైరల్‌ అయ్యాయి.