Crime News: బంగారు ఆభరణాల దుకాణంలో మహిళల చేతివాటం.. సీసీ ఫుటేజీతో గుర్తింపు!

అద్దంకి: ప్రకాశం జిల్లా అద్దంకి రామాటాకీస్ వీధిలో ఓ బంగారు ఆభరణాల దుకాణంలో కొందరు మహిళలు చేతివాటం ప్రదర్శించారు. నగల దుకాణానికి వెళ్లిన ముగ్గురు మహిళలు.. చెవి కమ్మలు కావాలని షాపు యజమానిని అడిగారు. ఆయన చూపించిన కమ్మలు పరిశీలిస్తూనే ఓ మహిళ ఇంకో వస్తువు కావాలని అడిగింది. ఇంతలో మిగిలిన ఇద్దరు మహిళలు.. పెద్ద సైజు కమ్మల జత మార్చి వారి వద్ద ఉన్న మరో చిన్న జతను అందులో అమర్చారు. వీటి మధ్య వ్యత్యాసం రెండు సవర్లు ఉంటుంది. అనంతరం ఓ చిన్నపాటి వస్తువును కొనుగోలు చేసి రసీదు తీసుకోకుండా వెళ్లిపోయారు. ఏదో మోసం జరిగినట్లు అనుమానించిన దుకాణ యజమాని సీసీ కెమెరాల ఫుటేజ్ పరిశీలించగా.. మహిళలు చేతివాటం ప్రదర్శించినట్లు గుర్తించారు. అనంతరం  పోలీసులకు ఫిర్యాదు చేశారు.