CM Jagan: అగ్నిప్రమాద ఘటనపై జగన్‌ దిగ్భ్రాంతి.. రూ.25లక్షల చొప్పున పరిహారం ప్రకటన

అమరావతి: ఏలూరు జిల్లా ముసునూరు మండలం అక్కిరెడ్డిగూడెంలోని పోరస్‌ రసాయన పరిశ్రమలో జరిగిన అగ్నిప్రమాదంపై సీఎం జగన్‌ తీవ్ర దిగ్భ్రాంతి వ్యక్తం చేశారు. మృతుల కుటుంబ సభ్యులకు ప్రగాఢ సానుభూతి తెలిపారు. మరణించిన వారి కుటుంబాలకు రూ.25 లక్షలు, తీవ్రంగా గాయపడిన వారికి రూ.5 లక్షలు, గాయపడిన వారికి రూ. 2 లక్షల చొప్పున పరిహారం ప్రకటించారు. ప్రమాదంపై పూర్తి దర్యాప్తు చేయాలని జిల్లా కలెక్టర్, ఎస్పీని ఆదేశించారు. గాయపడిన వారికి పూర్తి స్థాయిలో వైద్య సహాయం అందించాలని అధికారులను జగన్‌ ఆదేశించారు.

బుధవారం అర్ధరాత్రి సమయంలో రసాయన పరిశ్రమలో రియాక్టర్‌ పేలడంతో ఐదుగురు సజీవదహనం కాగా, ఆస్పత్రికి తరలిస్తుండగా మరొకరు మృతిచెందారు. 13 మంది తీవ్రంగా గాయపడగా వారిని విజయవాడ జీజీహెచ్‌కు తరలించి చికిత్స అందిస్తున్నారు.