Andhra News: మాజీ మంత్రి గారపాటి సాంబశివరావు కన్నుమూత

పెదపాడు: మాజీ మంత్రి, తెదేపా సీనియర్ నేత గారపాటి సాంబశివరావు(75) కన్నుమూశారు. పశ్చిమ గోదావరి జిల్లా పెదపాడు మండలం నాయుడుగూడెంలోని స్వగృహంలో అనారోగ్యంతో ఆయన తుదిశ్వాస వదిలారు. కొన్నేళ్లుగా సాంబశివరావు రాజకీయాలకు దూరంగా ఉంటున్నారు. సాంబశివరావు మృతిపట్ల తెదేపా అధినేత చంద్రబాబు సంతాపం తెలిపారు. ఆయన మృతి పార్టీకి తీరని లోటు అని చెప్పారు. సాంబశివరావు కుటుంబసభ్యులకు తన ప్రగాఢ సానుభూతి తెలిపారు. మరోవైపు సాంబశివరావు మృతిపట్ల దెందులూరు ఎమ్మెల్యే అబ్బయ్య చౌదరి సంతాపం తెలిపారు. ఆయన పార్థివదేహం వద్ద ఎమ్మెల్యే నివాళులర్పించారు.