Andhra News: అయ్యన్నపాత్రుడి ఇంటికి నల్లజర్ల పోలీసులు

నర్సీపట్నం: తెదేపా సీనియర్‌ నేత, మాజీ మంత్రి అయ్యన్నపాత్రుడు ఇంటికి పశ్చిమగోదావరి జిల్లా నల్లజర్ల పోలీసులు వచ్చారు.. ఇటీవల నల్లజర్లలో ఎన్టీఆర్‌ విగ్రహావిష్కరణ కార్యక్రమం అనంతరం నిర్వహించిన సభలో సీఎం జగన్‌ను అయ్యన్న అసభ్య పదజాలంతో దూషించారంటూ వైకాపా నేత రామకృష్ణ పోలీసులకు ఫిర్యాదు చేశారు. ఆ ఫిర్యాదును స్వీకరించిన నల్లజర్ల పోలీసులు అయ్యన్నపై 153ఎ, 505(2), 506 ఐపీసీ సెక్షన్ల కింద కేసు నమోదు చేశారు. 

ఈ నేపథ్యంలో బుధవారం నర్సీపట్నంలోని ఆయన నివాసానికి సీఐ రఘు, ఎస్సైలు శ్రీహరిరావు, అవినాష్‌ వచ్చారు. అయ్యన్న ఇంట్లో లేరని తెదేపా నేతలు చెబుతుండగా.. ఆయన ఇంట్లోనే ఉన్నట్లు తమకు సమాచారం ఉందని పోలీసుల బృందం అంటోంది. అయ్యన్నపాత్రుడికి నోటీసు ఇచ్చి వెళ్లేందుకు ఆయన ఇంటి వద్దే పోలీసులు వేచిచూశారు. కొంతసేపటి తర్వాత నోటీసును ఇంటికి అతికించి వెళ్లారు.