NTR Fan Janardhan: జూ.ఎన్టీఆర్ వీరాభిమాని జనార్దన్ కన్నుమూత

హైదరాబాద్‌: ఎన్టీఆర్‌(NTR) వీరాభిమాని జనార్దన్‌(Janardhan) కన్నుమూశారు. కొద్ది రోజుల కిందట రోడ్డు ప్రమాదానికి గురైన జనార్దన్‌ తిరుపతిలోని ఓ ప్రైవేటు ఆస్పత్రిలో చికిత్స పొందుతున్నాడు. ఈ క్రమంలో మంగళవారం అతడి ఆరోగ్య పరిస్థితి విషమించడంతో కన్నుమూసినట్లు వైద్యులు తెలిపారు. దీంతో ఎన్టీఆర్‌ అభిమానులు సామాజిక మాధ్యమాల వేదికగా తీవ్ర విచారం వ్యక్తం చేశారు. జనార్దన్‌ ఆత్మకు శాంతి చేకూరాలని ప్రార్థించారు. కొన్ని రోజుల కిందట జరిగిన రోడ్డు ప్రమాదంలో జనార్దన్‌ ప్రమాదానికి గురై కోమాలోకి వెళ్లాడని తెలుసుకుని తారక్‌ అతడి కుటుంబంతో ఫోన్‌లో మాట్లాడి పరామర్శించారు. ‘‘నువ్వు కోలుకుని రా. మనం త్వరలో కలుద్దాం’’ అంటూ అభిమానికి ధైర్యం చెప్పారు. అప్పట్లో ఎన్టీఆర్‌ మాట్లాడిన వీడియో వైరల్‌ అయింది.