AP news : ఏలూరు కార్పొరేషన్‌ కార్యాలయానికి పవర్‌ కట్‌

ఏలూరు : ఏలూరు కార్పొరేషన్‌ కార్యాలయానికి విద్యు్‌త్‌శాఖ అధికారులు సరఫరా నిలిపివేశారు. రూ.10 కోట్ల బకాయిలు చెల్లించకపోవడంతోనే విద్యుత్‌ కనెక్షన్‌ తొలగించినట్లు వెల్లడించారు. ప్రస్తుతానికి కంప్యూటర్లు, ఇతర పనులను జనరేటర్‌ నడుపుతున్నారు. గత మూడేళ్లుగా ఏలూరు కార్పొరేషన్‌ విద్యుత్‌ బకాయిలు చెల్లించడం లేదు.   మరోవైపు కార్పొరేషన్‌ పరిధిలో తాగునీటి పథకాలు, వీధి దీపాలకు సంబంధించిన బకాయిలు కూడా రూ.వేల కోట్లకు పెరిగిపోయినట్లు విద్యుత్‌ శాఖ అధికారులు చెబుతున్నారు. గతంలోనే కార్పొరేషన్‌ కార్యాలయానికి నోటీసులు జారీ చేశామని, ఎవరూ స్పందించకపోవడం వల్లే విద్యుత్‌ నిలిపివేయాల్సిన పరిస్థితి ఏర్పడిందని తెలిపారు.