అక్కడే ఆగిపోవద్దు
రామకృష్ణ పరమహంస చెప్పిన కథల్లో ‘ఇంకొంచెం ముందుకు వెళ్ళు’ అనేది ఒకటి. ఒక పేదవాడు కట్టెలు కొట్టి అమ్మి జీవిస్తూండేవాడు. కొన్నాళ్లకు ఆ ప్రాంతంలో కట్టెలు దొరకని పరిస్థితి నెలకొంది. ఏం చేయాలో తెలియక దీనంగా కూర్చున్నాడు....
రామకృష్ణ పరమహంస చెప్పిన కథల్లో ‘ఇంకొంచెం ముందుకు వెళ్ళు’ అనేది ఒకటి. ఒక పేదవాడు కట్టెలు కొట్టి అమ్మి జీవిస్తూండేవాడు. కొన్నాళ్లకు ఆ ప్రాంతంలో కట్టెలు దొరకని పరిస్థితి నెలకొంది. ఏం చేయాలో తెలియక దీనంగా కూర్చున్నాడు. ఆ దారంట వెళుతున్న ఓ బాటసారి అతడితో ‘ఇంకొంచెం ముందుకు వెళ్ళు’ అని ఒక్క మాట చెప్పి తనదారిన తాను వెళ్ళిపోయాడు. ఆ మాటల్ని స్ఫూర్తిగా చేసుకున్న పేదవాడు ముందుకెళ్ళాడు. అక్కడ మంచిగంధపు చెట్లు కనిపించాయి. వాటిని కొట్టి అమ్మి ధనవంతుడయ్యాడు. ఆ తరవాత అతడు అక్కడితో సంతృప్తి పడి ఆగిపోలేదు. గతంలో బాటసారి చెప్పిన మాటనే మననం చేసుకుంటూ అంతకంతకూ ముందుకు, ఇంకా మున్ముందుకు వెళ్ళాడు. బంగారపు గనులు, ఆపై వజ్రాల గనులు తారసపడ్డాయి. వాటిని సేకరించి, అమ్మి ఐశ్వర్యవంతుడయ్యాడు.
ఆధునిక కాలమైనా ఆదిమానవుల కాలమైనా అందరికీ స్ఫూర్తినిచ్చేది, ముందుకు నడిపేది- ‘అక్కడే ఆగిపోవద్దు’ అనే ఒకే ఒక మాట. ‘మరికొంత ప్రయత్నం చెయ్యాలని ఉద్బోధించే స్ఫూర్తి మంత్రమది!
కుందేలు, తాబేలు కథలో పందెం మొదలైన కొంతసేపటికి- కుందేలు వెనుదిరిగి చూసింది. తాబేలు బాగా వెనకబడిపోయి దూరంగా ఉండటం గమనించింది. అది తన దగ్గరకు రావడానికి చాలా సమయం పడుతుందని ఒక చెట్టుకింద విశ్రమించింది. తన వేగానికి తానే గర్వపడుతూ ఏమరుపాటుగా ఉంది. తాబేలు మాత్రం గెలుపు ఓటముల ప్రసక్తి లేకుండా గమ్యం చేరడమే ధ్యేయంగా ముందుకు సాగింది. గెలుపొందింది.
విద్యార్థులు కాని, మరే ఇతర రంగాల్లో రాణించే వారు గాని ఎన్ని విషయాలు తెలిసినా ఆగిపోకూడదు. ఎప్పుడు, ఎక్కడ సంతృప్తి చెందితే అప్పుడు అక్కడితో ప్రగతి ఆగిపోతుంది. అతడి స్థానాన్ని మరొకరు ఆక్రమించి ఇతణ్ని మించిపోవచ్చు.
అమృతం కోసం క్షీరసాగరాన్ని మథిస్తున్న సమయంలో దేవదానవులకు ఆశలు కల్పిస్తూ ఎన్నో రకాల వస్తువులు బయటపడ్డాయి. దేవతలు గాని, రాక్షసులు గాని వాటిని చూసి ఏ క్షణంలోనూ మురిసిపోయి సంతృప్తి పడిపోలేదు. అమృతోదయమే అంతిమ లక్ష్యంగా చేసుకుని యత్నం కొనసాగించారు.
సీతాన్వేషణకు బయలుదేరిన హనుమంతుడు ఎవరూ దాటలేని సముద్రాన్ని దాటాడు. ఎవరికీ లొంగని లంకిణిని జయించాడు. ఇంకా ఎవరూ చెయ్యలేని అనేక గొప్ప కార్యాలు చేశాడు. అయినప్పటికీ ఏ స్థితిలోనూ తాను పొందిన విజయానికి సంతృప్తి చెందలేదు. ఆయన అంతిమ లక్ష్యం సీతమ్మవారి జాడ తెలుసుకోవడమే. ఆ పని జరిగేవరకు ఎక్కడా సంతృప్తి చెంది ఆగిపోలేదు.
మహా నిర్వాణ తంత్రం అనే గ్రంథం ‘గమ్యప్రాప్తి పర్యంతం సాధన చేస్తూండవలసిందే’ అని చెబుతోంది. ‘ప్రతివారూ ఒక గమ్యాన్ని నిర్దేశించుకోవాలి. దాన్ని చేరడానికి తగిన ప్రణాళిక రచించుకోవాలి. మధ్యలో ఏర్పడే చిన్నచిన్న ఆటంకాలకు బెదిరిపోకుండా, వచ్చే చిన్నచిన్న ఫలితాలకు పొంగిపోకుండా సమస్థితిలో ఉండాలి’ అనేది ఈ వాక్యంలోని అంతరార్థం. వేదాలు, శాస్త్రాలు, ఉపనిషత్తులు, ఇతర వాఙ్మయం ఏదైనా చెప్పేమాట ఒక్కటే ‘సాగితేనే ప్రగతి- ఆగితే అధోగతి’!
రంగం-రాణింపు, స్థితి-స్థాయి, వయసు-హోదా, కాలం-పరిస్థితులు... ఏవైనా సరే, ఎక్కడా ఆగిపోవద్దు. గమ్యం చేరే వరకు సాగిపోతూనే ఉండాలి!
- అయ్యగారి శ్రీనివాసరావు
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పేరే పెన్నిధి
భువిలో మానవుడిగా జన్మించడం, పేరు కలిగి ఉండటం రెండూ అయాచిత వరాలే. సృష్టిలో పేరు కలిగి, తన పేరుకున్న ఔన్నత్యాన్ని కాపాడుకునే భాగ్యం ఒక్క మనిషిదే. ఎంతటి విద్యాపారంగతుడైనా, సకల కళా, శాస్త్ర ప్రవీణుడైనా పేరు లేకపోతే గుర్తింపునకు నోచుకోలేడు. -
మాటకు కట్టుబడితేనే...
చేతులకు ఎప్పుడూ దానం చేసే గుణం, నోటికి సత్యవాక్కు పలికే లక్షణం సజ్జనులకు సహజమైన అలంకారాలుగా శోభిస్తాయంటాడు భర్తృహరి. నిలబెట్టుకోలేని మాటలు పదేపదే చెబుతుంటే ఆ వ్యక్తి గౌరవం కోల్పోతాడు. సత్యంలో ధర్మం ప్రతిష్ఠితమై ఉంటుంది. సత్యపాలన చాలా కష్టమైన పని. అది కత్తిమీద సాము. సత్యంతో పాటు దానాన్నీ గొప్ప గుణంగా చెప్పుకొన్నాం. -
పున్నమిలో ఉన్నవి ఎన్నో...
చంద్రుడు షోడశ కళాప్రపూర్ణుడు. చంద్రుడు నిండుగా వెలుగొందే రోజు పౌర్ణమి. ప్రతి పౌర్ణమికీ ఒక్కో ప్రాధాన్యం ఉంది. చిత్ర నక్షత్రం పేరుతో చైత్ర పూర్ణిమ ఏర్పడింది. ఈ పర్వడిని ‘మహాచైత్రి’ అని అంటారు. ఈ రోజున చిత్రగుప్త వ్రతం చేస్తారు. -
నాలుగు మంచి మాటలు
‘రుషి కానివాడు కావ్యాన్ని రాయలేడు’ అనేది నానుడి. అంటే కావ్యాన్ని రాయడానికి తపస్సు చేసి సంపాదించినంత శక్తి కావాలని భావం. అలాంటి కావ్య ప్రక్రియలో నాటకాలు రమ్యంగా ఉంటాయట. ఆ నాటకాల్లో శాకుంతలం, అందులో నాలుగో అంకం, అందులో నాలుగు శ్లోకాలు మహాద్భుతంగా ఉండి ఆహ్లాదాన్ని కలిగిస్తాయనేది ఒక శ్లోక భావం. -
ప్రాప్తకాలం
అనంతమైన కాలంలో ప్రతిదానికీ కొంత కాల నియమం ఉంటుంది. ఏది ఎప్పుడు పుట్టాలో, పుట్టింది ఎంతకాలం ఉండాలో, ఎప్పుడు లయించాలో కాలం నిర్ణయిస్తుంది. ఏదీ కాలానికి అతీతంగా ఉండలేదు. -
పరమ గమ్యం
ఆధ్యాత్మికతను కొందరు మతంగా పొరపడతారు. వాస్తవానికి ఆధ్యాత్మికత అనేది గొప్ప నాగరికత. వ్యక్తి చేతనను ఉన్నతీకరించే ఒకానొక రసాయనిక ప్రక్రియ అది. తద్వారా సమాజాల హుందాతనాన్ని పెంచే సామాజిక ఉద్యమం పేరు- ఆధ్యాత్మికత. ఆదర్శప్రాయమైన శాంతియుతమైన సమాజాల ఆవిర్భావానికి మనిషి ఆధ్యాత్మిక సాధకుడు కావడమే గొప్ప ఆలంబన. -
పట్టు విడుపులు
అన్నివేళలా గెలుపు గుర్రమెక్కి సవారి చేయడం అందరికీ సాధ్యపడదు. కాలం మనకు అనుకూలం కాని సమయంలో తలపెట్టిన పనులు ఎంతకీ పూర్తికావు. ఒక్కొక్కసారి చాలా ఆలస్యం కూడా కావచ్చు. -
ఈ మట్టి పవిత్రం
శ్రీరాముడి పాదస్పర్శతో పులకించిన పవిత్ర భూమి, భగవానుడి గీతోపదేశంతో ప్రభావితమైన పుణ్యభూమి- మనదేశం. కశ్మీరు నుంచి కన్యాకుమారి దాకా విస్తరించిన సువిశాల భారతం గంగ, గోదావరి వంటి పుణ్య నదుల ప్రవాహాలతో పావనమై పరిఢవిల్లుతోంది. సృష్టి స్థితి లయ కారకుల అనుగ్రహంతో శక్తిమంతమైన దేశం ప్రకృతి శోభతో అలరారుతోంది. -
శ్రీరామ విజయం
సాధకులు అంతర్ముఖులై, ఏ ఆనందం కోసం అన్వేషిస్తున్నారో, తమ మనో మందిరాల్లో ఏ ఆకృతిని ప్రతిష్ఠితం చేసుకుని ఆరాధిస్తున్నారో ఆ దివ్యపథానికి సాకారం- శ్రీరాముడు. మనుషుల్లోని ‘రా’క్షస గుణాలను ‘మ’ర్దించే పరమ దైవం- రాముడు. -
దేహాలయం
సృష్టిలో శాశ్వతం కాని వాటిలో దేహం కూడా ఒకటి. జీవితాంతం జీవికి ఆలంబనగా ఉండేదీ శరీరమే. ఎలాంటి పనులు చేయాలన్నా శరీర సహకారంతోనే చెయ్యగలం. భగవద్గీతలో శ్రీకృష్ణుడు దేహమే క్షేత్రమని, అన్ని కర్మల సాధనకు అదే భూమిక అని, క్షేత్రమెరిగినవాడు క్షేత్రజ్ఞుడని, అలాంటివాడే తనకు ఇష్టుడని చెబుతాడు. -
గొప్పతనం
సాధారణంగా మనిషి గొప్ప విషయాల పట్ల వ్యామోహితుడై ఉంటాడు. బుద్ధి తెలిసిన నాటి నుంచి తానే గొప్పవాడిగా ఉండాలని భావిస్తాడు. తన గొప్పతనాన్ని, ప్రతిభను ఇతరులు గుర్తించాలని తాపత్రయపడతాడు. తనకు సంబంధించిన సామాన్య విషయాలను కూడా గోరంతలు కొండంతలుగా చెబుతూ అందరిలో తననో ప్రత్యేకమైన వ్యక్తిగా భావించుకుంటాడు. ఇతరుల కంటే ఏనాడూ తాను తక్కువ కావడానికి ఇష్టపడడు. -
కొత్త ప్రపంచం
ప్రపంచాన్ని కొత్తగా చూడటం వేరు. కొత్త ప్రపంచాన్ని చూడటం వేరు. కొత్తగా, అందంగా, సృజనాత్మకంగా, అద్భుతంగా ప్రపంచాన్ని చూపించే మనుషులతో బంధాలు ఏర్పరచుకోవాలి. వాళ్లు దివ్య పురుషులు. పుట్టినప్పటి నుంచి అమ్మ ఈ ప్రపంచాన్ని పరిచయం చేసి ఎన్నో విషయాలు తెలియజేస్తుంది. -
నిరంతరం ఆనందమే!
మానవ జీవితం చిత్రమైనది. దాని పోకడ గ్రహించడం సులభం కాదు. మనసు ఆడించే నాటకానికి జీవితం వేదికవుతుంది. ఒకానొక క్షణంలో కారణం లేకుండా సంతోషం కలుగుతుంది. -
భయమే భయానక వ్యాధి
జీవితంలో మనిషిని పీడించే మహాశాపం భయం. ప్రతి మనిషిలోనూ ఏదో సందర్భంలో, ఏదో కారణంగా భయం ఏర్పడుతూనే ఉంటుంది. వేరుపురుగు వృక్షాన్ని కూల్చేసే విధంగా భయమనేది మనిషి మనసులో దిగులును, అశాంతిని, నిరాశా నిస్పృహలను, పిరికితనాన్ని, దుఃఖాన్ని పెంచుతుంది. అభద్రతాభావాన్ని ప్రేరేపిస్తుంది. -
ఈదుల్ ఫితర్ - శుభాకాంక్షలు
మానవ ఆకారంలో దైవదూత జిబ్రయిల్ (అ.స.) ప్రవక్త మొహమ్మద్ (స.అ.వ.) వద్దకు వచ్చి ఈమాన్ విశ్వాసం అంటే ఏమిటని అడిగారు. సమాధానంగా ప్రవక్త (స.అ.వ.) ఇలా సెలవిచ్చారు. -
ఆనందమే పరమావధి
మానవ జీవితంలో దుఃఖం అనివార్యం. ఆ దుఃఖంలోనే ఈదులాడకుండా ఆనందతీరాల్ని అన్వేషించాలి. ఆ అన్వేషణ స్వీయానుభవమై ఉండాలి. దాని ఫలితం ధర్మబద్ధమైన జీవితాన్ని ప్రసాదించేదిగా ఉండాలి. ఇది అనుకున్నంత సులువు కాదు. సమగ్రమైన అభ్యాసం ఉండాలి. సంపూర్ణ సాధన కావాలి. -
‘క్రోధి’ శుభప్రదమే!
మధుమాసంతో ప్రారంభమవుతుంది మన సంవత్సరం. వేదంలో చైత్ర, వైశాఖాలకు మధు, మాధవ మాసాలని పేర్లు. ఈ రెండు మాసాలు వసంత ఋతువు. చాంద్రమానం ప్రకారం వసంత ఋతువుతో ఏడాదిని ప్రారంభించుకొనే అందమైన సంప్రదాయం మనది. -
నదులు-ఆధ్యాత్మిక కేంద్రాలు
ఎల్లప్పుడూ ప్రవహిస్తుండేవాటిని జీవనదులంటారు. వీటిలో ప్రధానమైనవి గంగ, యమున, సింధు, బ్రహ్మపుత్ర. ఇవి హిమాలయాల్లో పుట్టి మైదానాలగుండా ప్రవహించి సముద్రంలో కలుస్తాయి. ఎండాకాలంలో మంచు కరగడం వల్ల, వర్షాకాలంలో వర్షపు నీటితోను సంవత్సరమంతా ప్రవహిస్తుంటాయి. -
గజ పురాణం
దేవదానవులు పాలసముద్రాన్ని మథించినప్పుడు వెలువడిన ఏనుగును వైభవ చిహ్నంగా ఇంద్రుడు స్వీకరించాడు. ఆ ఏనుగు పేరు ఐరావతం. తెల్లని వర్ణంతో ప్రకాశిస్తుందంటారు. -
చుట్టుపక్కల చూడు...
చీకటితో చెలిమి చేయాలని ఏ మనిషీ కోరుకోడు. అయిష్టమైన అంధకారం నుంచి అతి త్వరగా బయటపడాలని, వెలుగు ముఖం చూడాలని తపించిపోతాడు. ఉదయించే సూర్యకిరణాల ప్రసరణ కోసం అనుక్షణం నిరీక్షిస్తాడు. అవి రాగానే సంబరపడతాడు. కానీ చిత్రాతిచిత్రంగా తనకు తెలియకుండా పెను చీకటిని తన జీవితంలోకి ఆహ్వానిస్తాడు.
తాజా వార్తలు (Latest News)
-
కోటక్ బ్యాంకు షేరు ఢమాల్.. రూ.37,500 కోట్ల సంపద ఆవిరి!
-
కొండచరియల బీభత్సం.. చైనా సరిహద్దుల్లోని జిల్లాకు దేశంతో సంబంధాలు కట్
-
ఆడి కార్ల ధర పెంపు.. ఎప్పటి నుంచంటే?
-
కేంద్రమంత్రి ఆడియో క్లిప్ లీక్ చేయమన్నారు: రాజస్థాన్ మాజీ సీఎం గహ్లోత్పై ఆరోపణలు
-
ఫోన్ ట్యాపింగ్ కేసులో కీలక పరిణామం.. నిందితులపై సైబర్ టెర్రరిజం సెక్షన్లు
-
మన దగ్గర ఇదే సమస్య.. హార్దిక్ గురించి పిల్లలకూ చెబుతాం: వసీమ్ అక్రమ్