వినదగునెవ్వరు చెప్పిన...
నువ్వు విన్నా వినకపోయినా, ఆచరించినా ఆచరించకపోయినా నీకు ప్రతిరోజూ ఎవరో ఒకరు ఏదో ఒకటి చెబుతూనే ఉంటారు. ప్రాథమికంగా చుట్టూ ఉన్నవారి మాటలు వింటూ కంటితో చూస్తూ విన్నదాన్ని
నువ్వు విన్నా వినకపోయినా, ఆచరించినా ఆచరించకపోయినా నీకు ప్రతిరోజూ ఎవరో ఒకరు ఏదో ఒకటి చెబుతూనే ఉంటారు. ప్రాథమికంగా చుట్టూ ఉన్నవారి మాటలు వింటూ కంటితో చూస్తూ విన్నదాన్ని చూసిన దానితో అనుసంధానం చేసుకుంటూ జ్ఞానాన్ని పెంపొందించుకుంటాం, మార్గాన్ని నిర్దేశించుకొంటాం. తల్లిదండ్రులు, గురువులు, బంధువులు, శ్రేయోభిలాషులు, పెద్దలు మన మంచిని, భవిష్యత్తును దృష్టిలో పెట్టుకొని మంచి మాటలు చెబుతూ ఉంటారు. ‘పెద్దలమాట చద్దిమూట’ అంటారు. అవి జీవితాంతం పుష్టిని చేకూర్చేవే.
సద్గురువుల మాటలు సర్వదా శిరోధార్యం. అజ్ఞానాన్ని తొలగించి జ్ఞానజ్యోతిని వెలిగించే జ్ఞానుల మాటలు, గుండె లోతుల్లోంచి వచ్చిన అనుభవశాలి మాటలు, సర్వదా హితంకోరే స్నేహితుల మాటలు, కుటుంబ శ్రేయస్సు కోసం జీవిత భాగస్వామి ఇచ్చే అర్థవంతమైన సలహాలు సదా ఆచరణీయం... మనలోని లోపాలు మనకంటే ఎక్కువగా తెలిసిన శత్రువు మన గురించి మాట్లాడే మాటలూ జాగ్రత్తగా వినాలి. ఆ లోపాలు సరిచేసుకోవాలి. పొగడ్తకన్నా లోతైన అగడ్త లేదు. పొంగిపోతే లేవకుండా పడిపోతాం. అసూయతో కూడిన మాటల్ని లక్ష్యపెట్టకూడదు.
రాముడితో తాటకిని ఆడదని చూడక వధించమని విశ్వామిత్రుడు చెప్పాడు. అర్జునుడితో శ్రీకృష్ణుడు విరథుడని చూడక కర్ణుడిపై బాణం వేయమని చెప్పాడు. సందేహ మనస్కులై కూడా చెప్పింది చెప్పినట్లు చేశారు, ధర్మాన్ని ప్రతిష్ఠించారు. సాక్షాత్ గురువే, మన శ్రేయస్సు కోసమే, మంచిమాట చెప్పినా దాన్ని నిరాకరించే పరిస్థితి రావచ్చు. వామనమూర్తికి బలిచక్రవర్తి మూడడుగులు దానమిచ్చే సందర్భంలో రాక్షస గురువు శుక్రాచార్యుడు ‘ప్రాణ మాన విత్త భంగమందు, బొంక వచ్చు నఘము పొందరధిప’ అని చెప్పినా ‘మాట తిరుగ లేరు మానధనులు’ అని బలిచక్రవర్తి నిరాకరించాడు. ఇంద్రుడు మారువేషంలో కర్ణుడి వద్దకు కవచకుండలాలు దానంగా గ్రహించటానికి వస్తున్నాడు అని తెలిసి, అతడికి దానమివ్వవద్దని తండ్రి సూర్యభగవానుడే చెప్పినా- కర్ణుడు సున్నితంగా తిరస్కరించాడు. బలి, కర్ణుడు చిరకీర్తిని ఆర్జించారు.
రాముడు రాజ్యాన్ని వదిలి పదునాల్గు సంవత్సరాలు అడవికి వెళ్ళమన్న తండ్రి దశరథుడి మాటలు ఆచరించి పితృవాక్య పరిపాలకుడు అయ్యాడు. మన మంచి, శ్రేయస్సు కోరుకునేవారి మాటలు మనకు కఠినంగా అయిష్టంగా అనిపిస్తాయి. వయసులో ఉన్నప్పుడు తాత్కాలిక సుఖాన్ని ప్రోత్సహిస్తూ మనలోని మానసిక బలహీనతలను వాడుకొనే కొంతమంది సహచరుల మాటలు తీయగా అనిపిస్తాయి. ఫలితం నైతిక పతనం. దురలవాట్లపాలై విద్య భ్రష్టుపట్టి భవిష్యత్తు నాశనమవుతుంది.
ప్రస్తుత పరిస్థితుల్లో వినేవాళ్లుంటే అందరూ చెప్పేవాళ్లే. అయినా వేమన చెప్పినట్లు ఎవరు చెప్పినా వినాలి. ఏది విన్నా, చూసినా తొందరపాటు నిర్ణయానికి రాకూడదు. విన్నదాంట్లో, చూసినదాంట్లో ఒక పార్శ్వమే మన అవగాహనలోకి వచ్చే సందర్భాలు ఎక్కువ. బుద్ధితో విని, మనోనేత్రంతో చూసి వాటిలో మంచి చెడు, నిజానిజాలు వాటివల్ల వచ్చే పరిణామాలు ఎవరికి వారు బేరీజు వేసుకోవాలి. విచక్షణతో నిర్ణయించుకోవాలి. అప్పుడే ఎంచుకోవలసిన దారి స్పష్టంగా ఉంటుంది.
- కస్తూరి హనుమన్నాగేంద్ర ప్రసాద్
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మాటకు కట్టుబడితేనే...
చేతులకు ఎప్పుడూ దానం చేసే గుణం, నోటికి సత్యవాక్కు పలికే లక్షణం సజ్జనులకు సహజమైన అలంకారాలుగా శోభిస్తాయంటాడు భర్తృహరి. నిలబెట్టుకోలేని మాటలు పదేపదే చెబుతుంటే ఆ వ్యక్తి గౌరవం కోల్పోతాడు. సత్యంలో ధర్మం ప్రతిష్ఠితమై ఉంటుంది. సత్యపాలన చాలా కష్టమైన పని. అది కత్తిమీద సాము. సత్యంతో పాటు దానాన్నీ గొప్ప గుణంగా చెప్పుకొన్నాం. -
పున్నమిలో ఉన్నవి ఎన్నో...
చంద్రుడు షోడశ కళాప్రపూర్ణుడు. చంద్రుడు నిండుగా వెలుగొందే రోజు పౌర్ణమి. ప్రతి పౌర్ణమికీ ఒక్కో ప్రాధాన్యం ఉంది. చిత్ర నక్షత్రం పేరుతో చైత్ర పూర్ణిమ ఏర్పడింది. ఈ పర్వడిని ‘మహాచైత్రి’ అని అంటారు. ఈ రోజున చిత్రగుప్త వ్రతం చేస్తారు. -
నాలుగు మంచి మాటలు
‘రుషి కానివాడు కావ్యాన్ని రాయలేడు’ అనేది నానుడి. అంటే కావ్యాన్ని రాయడానికి తపస్సు చేసి సంపాదించినంత శక్తి కావాలని భావం. అలాంటి కావ్య ప్రక్రియలో నాటకాలు రమ్యంగా ఉంటాయట. ఆ నాటకాల్లో శాకుంతలం, అందులో నాలుగో అంకం, అందులో నాలుగు శ్లోకాలు మహాద్భుతంగా ఉండి ఆహ్లాదాన్ని కలిగిస్తాయనేది ఒక శ్లోక భావం. -
ప్రాప్తకాలం
అనంతమైన కాలంలో ప్రతిదానికీ కొంత కాల నియమం ఉంటుంది. ఏది ఎప్పుడు పుట్టాలో, పుట్టింది ఎంతకాలం ఉండాలో, ఎప్పుడు లయించాలో కాలం నిర్ణయిస్తుంది. ఏదీ కాలానికి అతీతంగా ఉండలేదు. -
పరమ గమ్యం
ఆధ్యాత్మికతను కొందరు మతంగా పొరపడతారు. వాస్తవానికి ఆధ్యాత్మికత అనేది గొప్ప నాగరికత. వ్యక్తి చేతనను ఉన్నతీకరించే ఒకానొక రసాయనిక ప్రక్రియ అది. తద్వారా సమాజాల హుందాతనాన్ని పెంచే సామాజిక ఉద్యమం పేరు- ఆధ్యాత్మికత. ఆదర్శప్రాయమైన శాంతియుతమైన సమాజాల ఆవిర్భావానికి మనిషి ఆధ్యాత్మిక సాధకుడు కావడమే గొప్ప ఆలంబన. -
పట్టు విడుపులు
అన్నివేళలా గెలుపు గుర్రమెక్కి సవారి చేయడం అందరికీ సాధ్యపడదు. కాలం మనకు అనుకూలం కాని సమయంలో తలపెట్టిన పనులు ఎంతకీ పూర్తికావు. ఒక్కొక్కసారి చాలా ఆలస్యం కూడా కావచ్చు. -
ఈ మట్టి పవిత్రం
శ్రీరాముడి పాదస్పర్శతో పులకించిన పవిత్ర భూమి, భగవానుడి గీతోపదేశంతో ప్రభావితమైన పుణ్యభూమి- మనదేశం. కశ్మీరు నుంచి కన్యాకుమారి దాకా విస్తరించిన సువిశాల భారతం గంగ, గోదావరి వంటి పుణ్య నదుల ప్రవాహాలతో పావనమై పరిఢవిల్లుతోంది. సృష్టి స్థితి లయ కారకుల అనుగ్రహంతో శక్తిమంతమైన దేశం ప్రకృతి శోభతో అలరారుతోంది. -
శ్రీరామ విజయం
సాధకులు అంతర్ముఖులై, ఏ ఆనందం కోసం అన్వేషిస్తున్నారో, తమ మనో మందిరాల్లో ఏ ఆకృతిని ప్రతిష్ఠితం చేసుకుని ఆరాధిస్తున్నారో ఆ దివ్యపథానికి సాకారం- శ్రీరాముడు. మనుషుల్లోని ‘రా’క్షస గుణాలను ‘మ’ర్దించే పరమ దైవం- రాముడు. -
దేహాలయం
సృష్టిలో శాశ్వతం కాని వాటిలో దేహం కూడా ఒకటి. జీవితాంతం జీవికి ఆలంబనగా ఉండేదీ శరీరమే. ఎలాంటి పనులు చేయాలన్నా శరీర సహకారంతోనే చెయ్యగలం. భగవద్గీతలో శ్రీకృష్ణుడు దేహమే క్షేత్రమని, అన్ని కర్మల సాధనకు అదే భూమిక అని, క్షేత్రమెరిగినవాడు క్షేత్రజ్ఞుడని, అలాంటివాడే తనకు ఇష్టుడని చెబుతాడు. -
గొప్పతనం
సాధారణంగా మనిషి గొప్ప విషయాల పట్ల వ్యామోహితుడై ఉంటాడు. బుద్ధి తెలిసిన నాటి నుంచి తానే గొప్పవాడిగా ఉండాలని భావిస్తాడు. తన గొప్పతనాన్ని, ప్రతిభను ఇతరులు గుర్తించాలని తాపత్రయపడతాడు. తనకు సంబంధించిన సామాన్య విషయాలను కూడా గోరంతలు కొండంతలుగా చెబుతూ అందరిలో తననో ప్రత్యేకమైన వ్యక్తిగా భావించుకుంటాడు. ఇతరుల కంటే ఏనాడూ తాను తక్కువ కావడానికి ఇష్టపడడు. -
కొత్త ప్రపంచం
ప్రపంచాన్ని కొత్తగా చూడటం వేరు. కొత్త ప్రపంచాన్ని చూడటం వేరు. కొత్తగా, అందంగా, సృజనాత్మకంగా, అద్భుతంగా ప్రపంచాన్ని చూపించే మనుషులతో బంధాలు ఏర్పరచుకోవాలి. వాళ్లు దివ్య పురుషులు. పుట్టినప్పటి నుంచి అమ్మ ఈ ప్రపంచాన్ని పరిచయం చేసి ఎన్నో విషయాలు తెలియజేస్తుంది. -
నిరంతరం ఆనందమే!
మానవ జీవితం చిత్రమైనది. దాని పోకడ గ్రహించడం సులభం కాదు. మనసు ఆడించే నాటకానికి జీవితం వేదికవుతుంది. ఒకానొక క్షణంలో కారణం లేకుండా సంతోషం కలుగుతుంది. -
భయమే భయానక వ్యాధి
జీవితంలో మనిషిని పీడించే మహాశాపం భయం. ప్రతి మనిషిలోనూ ఏదో సందర్భంలో, ఏదో కారణంగా భయం ఏర్పడుతూనే ఉంటుంది. వేరుపురుగు వృక్షాన్ని కూల్చేసే విధంగా భయమనేది మనిషి మనసులో దిగులును, అశాంతిని, నిరాశా నిస్పృహలను, పిరికితనాన్ని, దుఃఖాన్ని పెంచుతుంది. అభద్రతాభావాన్ని ప్రేరేపిస్తుంది. -
ఈదుల్ ఫితర్ - శుభాకాంక్షలు
మానవ ఆకారంలో దైవదూత జిబ్రయిల్ (అ.స.) ప్రవక్త మొహమ్మద్ (స.అ.వ.) వద్దకు వచ్చి ఈమాన్ విశ్వాసం అంటే ఏమిటని అడిగారు. సమాధానంగా ప్రవక్త (స.అ.వ.) ఇలా సెలవిచ్చారు. -
ఆనందమే పరమావధి
మానవ జీవితంలో దుఃఖం అనివార్యం. ఆ దుఃఖంలోనే ఈదులాడకుండా ఆనందతీరాల్ని అన్వేషించాలి. ఆ అన్వేషణ స్వీయానుభవమై ఉండాలి. దాని ఫలితం ధర్మబద్ధమైన జీవితాన్ని ప్రసాదించేదిగా ఉండాలి. ఇది అనుకున్నంత సులువు కాదు. సమగ్రమైన అభ్యాసం ఉండాలి. సంపూర్ణ సాధన కావాలి. -
‘క్రోధి’ శుభప్రదమే!
మధుమాసంతో ప్రారంభమవుతుంది మన సంవత్సరం. వేదంలో చైత్ర, వైశాఖాలకు మధు, మాధవ మాసాలని పేర్లు. ఈ రెండు మాసాలు వసంత ఋతువు. చాంద్రమానం ప్రకారం వసంత ఋతువుతో ఏడాదిని ప్రారంభించుకొనే అందమైన సంప్రదాయం మనది. -
నదులు-ఆధ్యాత్మిక కేంద్రాలు
ఎల్లప్పుడూ ప్రవహిస్తుండేవాటిని జీవనదులంటారు. వీటిలో ప్రధానమైనవి గంగ, యమున, సింధు, బ్రహ్మపుత్ర. ఇవి హిమాలయాల్లో పుట్టి మైదానాలగుండా ప్రవహించి సముద్రంలో కలుస్తాయి. ఎండాకాలంలో మంచు కరగడం వల్ల, వర్షాకాలంలో వర్షపు నీటితోను సంవత్సరమంతా ప్రవహిస్తుంటాయి. -
గజ పురాణం
దేవదానవులు పాలసముద్రాన్ని మథించినప్పుడు వెలువడిన ఏనుగును వైభవ చిహ్నంగా ఇంద్రుడు స్వీకరించాడు. ఆ ఏనుగు పేరు ఐరావతం. తెల్లని వర్ణంతో ప్రకాశిస్తుందంటారు. -
చుట్టుపక్కల చూడు...
చీకటితో చెలిమి చేయాలని ఏ మనిషీ కోరుకోడు. అయిష్టమైన అంధకారం నుంచి అతి త్వరగా బయటపడాలని, వెలుగు ముఖం చూడాలని తపించిపోతాడు. ఉదయించే సూర్యకిరణాల ప్రసరణ కోసం అనుక్షణం నిరీక్షిస్తాడు. అవి రాగానే సంబరపడతాడు. కానీ చిత్రాతిచిత్రంగా తనకు తెలియకుండా పెను చీకటిని తన జీవితంలోకి ఆహ్వానిస్తాడు. -
ఇఫ్తార్ విందు
ఇష్టపూర్వకంగా ఒకరిని విందుకు ఆహ్వానించి వారికి ప్రీతికరంగా కొసరి కొసరి వడ్డించి ఆనందించేవారు విశాల హృదయులు. ఇటువంటి విందు భోజనాల వల్ల స్నేహాలు వెల్లివిరిసి ఆత్మీయ సంబంధాలు బలపడతాయి. అది దైవకార్యంగా భావించి చేస్తే మానవత్వానికి దైవత్వం తోడవుతుంది.
తాజా వార్తలు (Latest News)
-
ఈనాడు.నెట్లో టాప్ 10 వార్తలు @ 9 PM
-
ఏపీ ఇంటెలిజెన్స్ డీజీగా విశ్వజిత్, విజయవాడ సీపీగా రామక్రిష్ణ
-
ఎన్నికల బరిలో ‘పొలిమేర’ నటి..
-
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
భారాస అధినేత కేసీఆర్ కాన్వాయ్లో ప్రమాదం