వృద్ధాప్యం మరో బాల్యం
అమావాస్య, పున్నముల కాలచక్ర భ్రమణంలో మనిషి వయసు రోజురోజుకూ పెరుగుతూనే ఉంటుంది. విద్యాబుద్ధులు నేర్వడంలో బాల్యం గడిచిపోతుంది.
అమావాస్య, పున్నముల కాలచక్ర భ్రమణంలో మనిషి వయసు రోజురోజుకూ పెరుగుతూనే ఉంటుంది. విద్యాబుద్ధులు నేర్వడంలో బాల్యం గడిచిపోతుంది. ఆవేశ రోషాలు, కామక్రోధాలు యౌవనాన్ని శాసిస్తాయి. కుటుంబ బాధ్యతలు పెనవేసుకుని క్షణం తీరిక లేకుండా మధ్య వయసు కాలగమనంలో కలుస్తుంది. బాధ్యతలు నెరవేర్చి కాస్త తీరిక దొరికేసరికి ముదిమి వచ్చి మీద పడుతుంది. ఈ చివరి దశలో అవయవాల్లో పటుత్వం సడలుతుంది. చూపులో స్పష్టత లోపిస్తుంది. మాటలో గాంభీర్యత కరుగుతుంది. వినికిడి శక్తి మందగిస్తుంది. జ్ఞాపకశక్తి తగ్గుతుంది. అనారోగ్యం దినచర్యకు అవరోధమవుతుంది. ఇకపై ఏ క్షణమైనా చివరి క్షణమేనంటూ మనసు హెచ్చరిస్తూంటుంది. గతంలో చేసిన తప్పులు గుర్తుకు వచ్చి మది బరువెక్కుతుంది. వ్యక్తం చేయలేని బాధతో హృదయభారం కోపంగా మారి స్వజనులపై ప్రభావం చూపుతుంది. తమ సంతానం తమను నిర్లక్ష్యం చేస్తున్నారన్న భావనతో వృద్ధులు వ్యధ చెందుతారు. తరాల అంతరాలు పిల్లలు, పెద్దల మధ్య అడ్డుగోడలవుతాయి.
వృద్ధాప్యాన్ని శాపంగా భావించేవారు దుఃఖంతో బాధపడుతూ రోజులు వెళ్ళబుచ్చుతారు. కాలానుగుణ మార్పులను గమనిస్తూ ఈ దశను సమయస్ఫూర్తితో ఎదుర్కొనగలవారు కుటుంబసభ్యుల మన్ననలు పొంద గలుగుతారు. శేష జీవితంపై విరక్తితో కాక, ఆత్మీయులపై ఆప్యాయతానురాగాలు పంచుతూ మనగలిగితే వృద్ధాప్యం వరంగా మారుతుంది. పిల్లలు దారి తప్పు తున్నప్పుడు మార్గదర్శనం చేయడం అవసరమే కానీ వారి దైనందిన కార్యకలాపాల్లో జోక్యం చేసుకుంటూ వారిపై పెత్తనం చలాయించాలనుకోవడం అభిలషణీయం కాదు. పుత్రుడిని అయిదేళ్ల వరకు ప్రేమతో పెంచాలి. పదిహేను సంవత్సరాల వరకు శిక్షణలో ఉంచాలి. పదహారేళ్లు వచ్చాక స్నేహితుడిలా భావించి హితవు చెబుతుండాలన్న చాణక్య నీతిని తల్లిదండ్రులు అర్థం చేసుకోవాలి.
అంతవరకు సంపాదనకు, కుటుంబ అవసరాలు తీర్చడానికి కాలాన్ని వెచ్చించినవారు వార్ధక్యంలో భగవంతుడితో అనుబంధం పెంచుకోగలిగితే ఇహపర సుఖాలకు లోటుండదు. అమూల్యమైన పుస్తకాలు అధ్యయనం చేస్తూ ఋషి రుణం తీర్చుకునే చివరి అవకాశాన్ని సద్వినియోగం చేసుకోవాలి.
నిశితంగా గమనిస్తే- వృద్ధాప్యం మరో బాల్యం. బాలుడు తాను అడిగింది ఇవ్వకపోతే అమ్మమీద అలుగుతాడు. చేతిలో ఉన్న వస్తువును విసిరేస్తాడు. తిండి తిననని మారాం చేస్తాడు. మూతి ముడుచుకుని మూలన కూర్చుంటాడు. లేకపోతే ఏడుస్తాడు. చివరికి అనుకున్నది సాధిస్తాడు. వృద్ధులూ అంతే. కొడుకో కోడలో తమ మాట వినక ఎదిరిస్తే, తట్టుకోలేరు. అలుగుతారు. సణుగుతారు. కోపగిస్తారు. నిరాహార దీక్షకు పూనుకొంటారు. పిల్లలు దిగివచ్చేదాకా కొంతమంది పెద్దలు తమ పంతం వీడరు. వృద్ధాప్యంలో బాల్య చేష్టలు పునరావృతమవుతాయి. తప్పటడుగులు, బోసినవ్వులు, మాటల్లో తడబాటు, పడకలో ఉలికిపాటు, అతినిద్ర... వృద్ధుల సర్వసాధారణ లక్షణాలు.
తల్లి పిల్లలను లాలించినట్లు కొడుకులు వృద్ధులైన తల్లిదండ్రులను బుజ్జగించాలి. వారి చిన్నచిన్న కోరికలు తీర్చడానికి సమయం కేటాయించాలి. రోజులో కొద్దిసేపు వారితో ముచ్చటించాలి. పెద్దలు చెప్పే అనుభవాల సారాన్ని గ్రహించాలి.
ఇంద్రగంటి నరసింహమూర్తి
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
మాటకు కట్టుబడితేనే...
చేతులకు ఎప్పుడూ దానం చేసే గుణం, నోటికి సత్యవాక్కు పలికే లక్షణం సజ్జనులకు సహజమైన అలంకారాలుగా శోభిస్తాయంటాడు భర్తృహరి. నిలబెట్టుకోలేని మాటలు పదేపదే చెబుతుంటే ఆ వ్యక్తి గౌరవం కోల్పోతాడు. సత్యంలో ధర్మం ప్రతిష్ఠితమై ఉంటుంది. సత్యపాలన చాలా కష్టమైన పని. అది కత్తిమీద సాము. సత్యంతో పాటు దానాన్నీ గొప్ప గుణంగా చెప్పుకొన్నాం. -
పున్నమిలో ఉన్నవి ఎన్నో...
చంద్రుడు షోడశ కళాప్రపూర్ణుడు. చంద్రుడు నిండుగా వెలుగొందే రోజు పౌర్ణమి. ప్రతి పౌర్ణమికీ ఒక్కో ప్రాధాన్యం ఉంది. చిత్ర నక్షత్రం పేరుతో చైత్ర పూర్ణిమ ఏర్పడింది. ఈ పర్వడిని ‘మహాచైత్రి’ అని అంటారు. ఈ రోజున చిత్రగుప్త వ్రతం చేస్తారు. -
నాలుగు మంచి మాటలు
‘రుషి కానివాడు కావ్యాన్ని రాయలేడు’ అనేది నానుడి. అంటే కావ్యాన్ని రాయడానికి తపస్సు చేసి సంపాదించినంత శక్తి కావాలని భావం. అలాంటి కావ్య ప్రక్రియలో నాటకాలు రమ్యంగా ఉంటాయట. ఆ నాటకాల్లో శాకుంతలం, అందులో నాలుగో అంకం, అందులో నాలుగు శ్లోకాలు మహాద్భుతంగా ఉండి ఆహ్లాదాన్ని కలిగిస్తాయనేది ఒక శ్లోక భావం. -
ప్రాప్తకాలం
అనంతమైన కాలంలో ప్రతిదానికీ కొంత కాల నియమం ఉంటుంది. ఏది ఎప్పుడు పుట్టాలో, పుట్టింది ఎంతకాలం ఉండాలో, ఎప్పుడు లయించాలో కాలం నిర్ణయిస్తుంది. ఏదీ కాలానికి అతీతంగా ఉండలేదు. -
పరమ గమ్యం
ఆధ్యాత్మికతను కొందరు మతంగా పొరపడతారు. వాస్తవానికి ఆధ్యాత్మికత అనేది గొప్ప నాగరికత. వ్యక్తి చేతనను ఉన్నతీకరించే ఒకానొక రసాయనిక ప్రక్రియ అది. తద్వారా సమాజాల హుందాతనాన్ని పెంచే సామాజిక ఉద్యమం పేరు- ఆధ్యాత్మికత. ఆదర్శప్రాయమైన శాంతియుతమైన సమాజాల ఆవిర్భావానికి మనిషి ఆధ్యాత్మిక సాధకుడు కావడమే గొప్ప ఆలంబన. -
పట్టు విడుపులు
అన్నివేళలా గెలుపు గుర్రమెక్కి సవారి చేయడం అందరికీ సాధ్యపడదు. కాలం మనకు అనుకూలం కాని సమయంలో తలపెట్టిన పనులు ఎంతకీ పూర్తికావు. ఒక్కొక్కసారి చాలా ఆలస్యం కూడా కావచ్చు. -
ఈ మట్టి పవిత్రం
శ్రీరాముడి పాదస్పర్శతో పులకించిన పవిత్ర భూమి, భగవానుడి గీతోపదేశంతో ప్రభావితమైన పుణ్యభూమి- మనదేశం. కశ్మీరు నుంచి కన్యాకుమారి దాకా విస్తరించిన సువిశాల భారతం గంగ, గోదావరి వంటి పుణ్య నదుల ప్రవాహాలతో పావనమై పరిఢవిల్లుతోంది. సృష్టి స్థితి లయ కారకుల అనుగ్రహంతో శక్తిమంతమైన దేశం ప్రకృతి శోభతో అలరారుతోంది. -
శ్రీరామ విజయం
సాధకులు అంతర్ముఖులై, ఏ ఆనందం కోసం అన్వేషిస్తున్నారో, తమ మనో మందిరాల్లో ఏ ఆకృతిని ప్రతిష్ఠితం చేసుకుని ఆరాధిస్తున్నారో ఆ దివ్యపథానికి సాకారం- శ్రీరాముడు. మనుషుల్లోని ‘రా’క్షస గుణాలను ‘మ’ర్దించే పరమ దైవం- రాముడు. -
దేహాలయం
సృష్టిలో శాశ్వతం కాని వాటిలో దేహం కూడా ఒకటి. జీవితాంతం జీవికి ఆలంబనగా ఉండేదీ శరీరమే. ఎలాంటి పనులు చేయాలన్నా శరీర సహకారంతోనే చెయ్యగలం. భగవద్గీతలో శ్రీకృష్ణుడు దేహమే క్షేత్రమని, అన్ని కర్మల సాధనకు అదే భూమిక అని, క్షేత్రమెరిగినవాడు క్షేత్రజ్ఞుడని, అలాంటివాడే తనకు ఇష్టుడని చెబుతాడు. -
గొప్పతనం
సాధారణంగా మనిషి గొప్ప విషయాల పట్ల వ్యామోహితుడై ఉంటాడు. బుద్ధి తెలిసిన నాటి నుంచి తానే గొప్పవాడిగా ఉండాలని భావిస్తాడు. తన గొప్పతనాన్ని, ప్రతిభను ఇతరులు గుర్తించాలని తాపత్రయపడతాడు. తనకు సంబంధించిన సామాన్య విషయాలను కూడా గోరంతలు కొండంతలుగా చెబుతూ అందరిలో తననో ప్రత్యేకమైన వ్యక్తిగా భావించుకుంటాడు. ఇతరుల కంటే ఏనాడూ తాను తక్కువ కావడానికి ఇష్టపడడు. -
కొత్త ప్రపంచం
ప్రపంచాన్ని కొత్తగా చూడటం వేరు. కొత్త ప్రపంచాన్ని చూడటం వేరు. కొత్తగా, అందంగా, సృజనాత్మకంగా, అద్భుతంగా ప్రపంచాన్ని చూపించే మనుషులతో బంధాలు ఏర్పరచుకోవాలి. వాళ్లు దివ్య పురుషులు. పుట్టినప్పటి నుంచి అమ్మ ఈ ప్రపంచాన్ని పరిచయం చేసి ఎన్నో విషయాలు తెలియజేస్తుంది. -
నిరంతరం ఆనందమే!
మానవ జీవితం చిత్రమైనది. దాని పోకడ గ్రహించడం సులభం కాదు. మనసు ఆడించే నాటకానికి జీవితం వేదికవుతుంది. ఒకానొక క్షణంలో కారణం లేకుండా సంతోషం కలుగుతుంది. -
భయమే భయానక వ్యాధి
జీవితంలో మనిషిని పీడించే మహాశాపం భయం. ప్రతి మనిషిలోనూ ఏదో సందర్భంలో, ఏదో కారణంగా భయం ఏర్పడుతూనే ఉంటుంది. వేరుపురుగు వృక్షాన్ని కూల్చేసే విధంగా భయమనేది మనిషి మనసులో దిగులును, అశాంతిని, నిరాశా నిస్పృహలను, పిరికితనాన్ని, దుఃఖాన్ని పెంచుతుంది. అభద్రతాభావాన్ని ప్రేరేపిస్తుంది. -
ఈదుల్ ఫితర్ - శుభాకాంక్షలు
మానవ ఆకారంలో దైవదూత జిబ్రయిల్ (అ.స.) ప్రవక్త మొహమ్మద్ (స.అ.వ.) వద్దకు వచ్చి ఈమాన్ విశ్వాసం అంటే ఏమిటని అడిగారు. సమాధానంగా ప్రవక్త (స.అ.వ.) ఇలా సెలవిచ్చారు. -
ఆనందమే పరమావధి
మానవ జీవితంలో దుఃఖం అనివార్యం. ఆ దుఃఖంలోనే ఈదులాడకుండా ఆనందతీరాల్ని అన్వేషించాలి. ఆ అన్వేషణ స్వీయానుభవమై ఉండాలి. దాని ఫలితం ధర్మబద్ధమైన జీవితాన్ని ప్రసాదించేదిగా ఉండాలి. ఇది అనుకున్నంత సులువు కాదు. సమగ్రమైన అభ్యాసం ఉండాలి. సంపూర్ణ సాధన కావాలి. -
‘క్రోధి’ శుభప్రదమే!
మధుమాసంతో ప్రారంభమవుతుంది మన సంవత్సరం. వేదంలో చైత్ర, వైశాఖాలకు మధు, మాధవ మాసాలని పేర్లు. ఈ రెండు మాసాలు వసంత ఋతువు. చాంద్రమానం ప్రకారం వసంత ఋతువుతో ఏడాదిని ప్రారంభించుకొనే అందమైన సంప్రదాయం మనది. -
నదులు-ఆధ్యాత్మిక కేంద్రాలు
ఎల్లప్పుడూ ప్రవహిస్తుండేవాటిని జీవనదులంటారు. వీటిలో ప్రధానమైనవి గంగ, యమున, సింధు, బ్రహ్మపుత్ర. ఇవి హిమాలయాల్లో పుట్టి మైదానాలగుండా ప్రవహించి సముద్రంలో కలుస్తాయి. ఎండాకాలంలో మంచు కరగడం వల్ల, వర్షాకాలంలో వర్షపు నీటితోను సంవత్సరమంతా ప్రవహిస్తుంటాయి. -
గజ పురాణం
దేవదానవులు పాలసముద్రాన్ని మథించినప్పుడు వెలువడిన ఏనుగును వైభవ చిహ్నంగా ఇంద్రుడు స్వీకరించాడు. ఆ ఏనుగు పేరు ఐరావతం. తెల్లని వర్ణంతో ప్రకాశిస్తుందంటారు. -
చుట్టుపక్కల చూడు...
చీకటితో చెలిమి చేయాలని ఏ మనిషీ కోరుకోడు. అయిష్టమైన అంధకారం నుంచి అతి త్వరగా బయటపడాలని, వెలుగు ముఖం చూడాలని తపించిపోతాడు. ఉదయించే సూర్యకిరణాల ప్రసరణ కోసం అనుక్షణం నిరీక్షిస్తాడు. అవి రాగానే సంబరపడతాడు. కానీ చిత్రాతిచిత్రంగా తనకు తెలియకుండా పెను చీకటిని తన జీవితంలోకి ఆహ్వానిస్తాడు. -
ఇఫ్తార్ విందు
ఇష్టపూర్వకంగా ఒకరిని విందుకు ఆహ్వానించి వారికి ప్రీతికరంగా కొసరి కొసరి వడ్డించి ఆనందించేవారు విశాల హృదయులు. ఇటువంటి విందు భోజనాల వల్ల స్నేహాలు వెల్లివిరిసి ఆత్మీయ సంబంధాలు బలపడతాయి. అది దైవకార్యంగా భావించి చేస్తే మానవత్వానికి దైవత్వం తోడవుతుంది.
తాజా వార్తలు (Latest News)
-
బతిమాలినా..భయపెట్టినా.. ఉండేదేలే..!
-
విదేశాలకు వెళ్లాల్సింది.. అనంతలోకాలకు..
-
ఎండలో తిరుగుతున్నారా.. జాగ్రత్త!
-
లాభాల్లో దేశీయ స్టాక్ మార్కెట్ సూచీలు.. 22,400 ఎగువనే నిఫ్టీ
-
నా జీవితాన్ని నాశనం చేసింది నువ్వే.. వైకాపా ఎమ్మెల్యే భార్యను నిలదీసిన మహిళ
-
అమెరికా వైదొలగితే.. ప్రపంచానికి ఎవరు నాయకత్వం వహిస్తారు?: బైడెన్