ఆత్మోద్ధరణ
‘ప్రతి మనిషీ తనను తానే ఉద్ధరించుకోవాలి’ అన్నది గీతాచార్యుడు చెప్పిన మాట. ఒకరు తింటే మరొకరి ఆకలి తీరనట్టే, ఒకరి నిద్ర మరొకరు పోనట్లే- ఒకరికి బదులు మరొకరు సాధన చేయడం సాధ్యం కాదు.
‘ప్రతి మనిషీ తనను తానే ఉద్ధరించుకోవాలి’ అన్నది గీతాచార్యుడు చెప్పిన మాట. ఒకరు తింటే మరొకరి ఆకలి తీరనట్టే, ఒకరి నిద్ర మరొకరు పోనట్లే- ఒకరికి బదులు మరొకరు సాధన చేయడం సాధ్యం కాదు. కాబట్టి ఎవరి సాధన వారే చేసుకోవాలి. తద్వారా ఎవరి జ్ఞానాన్ని వారే సంపాదించుకోవాలని విశ్లేషకులు చెబుతుంటారు. ఈ విషయంలో నిర్లక్ష్యంగా వ్యవహరిస్తే అధోగతి తప్పదనీ హెచ్చరించారు. దీనికిగాను కొంత పరిశ్రమ చేయాలన్నారు. దీన్నే సాధన అంటారు.
సాధన కష్టమైనపని కానే కాదు. అలా చేయాలనుకునేవారికి గురువులు, శాస్త్రాలతోపాటు దైవం దారి చూపిస్తాడు. ప్రయత్నించే వారికి భగవంతుడే స్వయంగా అండగా నిలిచి సహాయపడతాడని పురాణాలు చెబుతున్నాయి. మానవ ప్రయత్నం లేనిదే భగవంతుడు సైతం ఏమీ చేయలేడు. ఇంద్రియాలను జయించి మనసును అదుపులో పెట్టుకోవాలి. లేకపోతే అవే శత్రువులవుతాయి. సోమరితనం, నిలకడ లేకపోవడం, ఇంద్రియ నిగ్రహం/వైరాగ్య భావన లేకుండటం, అంతా ఆ దేవుడే చూసుకుంటాడులే అనే నిర్లక్ష్యం ఏ సమయంలోనూ పనికిరావు.
‘ఉద్ధరించుకోవడమైనా, దిగజార్చుకోవడమైనా ఎవరికి వారి చేతుల్లోనే ఉంది. వారి వారి ఆలోచనలు, మాటలు, చేతలమీదే అది ఆధారపడి ఉంది. తమ భావాల నిరంతర పరిణామమే దీనికి కారణం’ అని పురాణాలు బోధిస్తున్నాయి. పరమానందాన్ని పొంది, సద్గతులు ప్రాప్తించాలనుకుంటే అలసత్వం పనికిరాదు. నిర్మల చిత్తంతో నిస్వా ర్థంగా పరిశ్రమ చేస్తే ఫలితం ఉంటుంది. ఎంతో త్యాగం, మరెంతో సాధన చేసి, ఇంద్రియ నిగ్రహం పాటించి అకుంఠిత దీక్షతో పరా త్పరుని వేడుకోవాలి. పెద్దలు బోధిం చిన మార్గాన్ని అనుసరించాలి. స్వయంకృషి సాగించాలి.
ఎందరో మహాత్ములు అనేక కష్టనష్టాలకు ఓర్చి అహర్నిశలు శ్రమించి ఎన్నో సంవత్సరాలు సాధన చేసి తమ చిత్తాన్ని ఇంద్రియాలను నిగ్రహించుకుని ధన్యులయ్యారు. వారి చరిత్రలను, జీవన విధానాన్ని గమనించాలి. ఆ విధంగా ఎవరికి వారే తమ శాయశక్తులా ప్రయత్నించి తమ చిత్తాన్ని శుద్ధపరచుకోవాలి. వారే సంసార బంధనాల నుంచి విముక్తులు కాగలరు. విషయ వాసనా రాహిత్యం కలిగి, దృశ్యమాన ప్రపంచ వాసనలేవీ లేని తన నిర్మల చిత్తమే తనను ఉద్ధరించే ఉద్ధారకుడు. అలాగే మలినమైన తన మనసే పతనం కలగజేస్తుందని గ్రహించాలి. మనసును ఇంద్రియాలను తన వశంలో ఉంచుకుంటే అవే ఆత్మ బంధువులవుతాయి. సాధారణంగా ప్రతి మనిషి మనసులో రెండు భాగాలు ఉంటాయి. ఒక భాగం చేయమని ప్రేరేపించేది. మరొకటి ఆలోచించమని సూచన చేసేది. అలాంటప్పుడు ప్రేరక భాగం చెప్పిన విషయాలను, రెండో పార్శ్వం వైపు ప్రయత్న పూర్వకంగా మళ్ళించి తన మనసును ధర్మం వైపు తిప్పుకోవాలి. ఈ ప్రకారం చేస్తే అనవసర విషయాచరణ జరగదు. ఫలితంగా తమను తామే ఉద్ధరించుకోగలుగుతారు. చిత్తశుద్ధే ఆత్మబంధువు కాబట్టి ప్రతి ఒక్కరూ దాన్ని ఆశ్రయించాలి. అది మహోపకారం చేస్తుంది.
జీవుడు ప్రయత్నపూర్వకంగా వివేకంతో ఓరిమితో తన మనసును జయించి శత్రువుల్ని మిత్రులుగా చేసుకోవాలి. పరిశుద్ధమైన మనసే తన ఉద్ధారకుడు అని గ్రహించిన నాడు మనిషి ఆత్మోన్నతుడు అవుతాడు. తద్వారా ముక్తుడవుతాడు.
వి.ఎస్.రాజమౌళి
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నిక్షిప్త నిధులు
అంతర్గత శక్తిని వ్యక్తీకరించగలిగే పనిని కనుక్కుంటే ఆనందాన్ని పొందవచ్చు. ఆ పని ద్వారా జోడించే విలువను ప్రపంచం గుర్తించేలా చేస్తే విజయం సాధించవచ్చు. -
పేరే పెన్నిధి
భువిలో మానవుడిగా జన్మించడం, పేరు కలిగి ఉండటం రెండూ అయాచిత వరాలే. సృష్టిలో పేరు కలిగి, తన పేరుకున్న ఔన్నత్యాన్ని కాపాడుకునే భాగ్యం ఒక్క మనిషిదే. ఎంతటి విద్యాపారంగతుడైనా, సకల కళా, శాస్త్ర ప్రవీణుడైనా పేరు లేకపోతే గుర్తింపునకు నోచుకోలేడు. -
మాటకు కట్టుబడితేనే...
చేతులకు ఎప్పుడూ దానం చేసే గుణం, నోటికి సత్యవాక్కు పలికే లక్షణం సజ్జనులకు సహజమైన అలంకారాలుగా శోభిస్తాయంటాడు భర్తృహరి. నిలబెట్టుకోలేని మాటలు పదేపదే చెబుతుంటే ఆ వ్యక్తి గౌరవం కోల్పోతాడు. సత్యంలో ధర్మం ప్రతిష్ఠితమై ఉంటుంది. సత్యపాలన చాలా కష్టమైన పని. అది కత్తిమీద సాము. సత్యంతో పాటు దానాన్నీ గొప్ప గుణంగా చెప్పుకొన్నాం. -
పున్నమిలో ఉన్నవి ఎన్నో...
చంద్రుడు షోడశ కళాప్రపూర్ణుడు. చంద్రుడు నిండుగా వెలుగొందే రోజు పౌర్ణమి. ప్రతి పౌర్ణమికీ ఒక్కో ప్రాధాన్యం ఉంది. చిత్ర నక్షత్రం పేరుతో చైత్ర పూర్ణిమ ఏర్పడింది. ఈ పర్వడిని ‘మహాచైత్రి’ అని అంటారు. ఈ రోజున చిత్రగుప్త వ్రతం చేస్తారు. -
నాలుగు మంచి మాటలు
‘రుషి కానివాడు కావ్యాన్ని రాయలేడు’ అనేది నానుడి. అంటే కావ్యాన్ని రాయడానికి తపస్సు చేసి సంపాదించినంత శక్తి కావాలని భావం. అలాంటి కావ్య ప్రక్రియలో నాటకాలు రమ్యంగా ఉంటాయట. ఆ నాటకాల్లో శాకుంతలం, అందులో నాలుగో అంకం, అందులో నాలుగు శ్లోకాలు మహాద్భుతంగా ఉండి ఆహ్లాదాన్ని కలిగిస్తాయనేది ఒక శ్లోక భావం. -
ప్రాప్తకాలం
అనంతమైన కాలంలో ప్రతిదానికీ కొంత కాల నియమం ఉంటుంది. ఏది ఎప్పుడు పుట్టాలో, పుట్టింది ఎంతకాలం ఉండాలో, ఎప్పుడు లయించాలో కాలం నిర్ణయిస్తుంది. ఏదీ కాలానికి అతీతంగా ఉండలేదు. -
పరమ గమ్యం
ఆధ్యాత్మికతను కొందరు మతంగా పొరపడతారు. వాస్తవానికి ఆధ్యాత్మికత అనేది గొప్ప నాగరికత. వ్యక్తి చేతనను ఉన్నతీకరించే ఒకానొక రసాయనిక ప్రక్రియ అది. తద్వారా సమాజాల హుందాతనాన్ని పెంచే సామాజిక ఉద్యమం పేరు- ఆధ్యాత్మికత. ఆదర్శప్రాయమైన శాంతియుతమైన సమాజాల ఆవిర్భావానికి మనిషి ఆధ్యాత్మిక సాధకుడు కావడమే గొప్ప ఆలంబన. -
పట్టు విడుపులు
అన్నివేళలా గెలుపు గుర్రమెక్కి సవారి చేయడం అందరికీ సాధ్యపడదు. కాలం మనకు అనుకూలం కాని సమయంలో తలపెట్టిన పనులు ఎంతకీ పూర్తికావు. ఒక్కొక్కసారి చాలా ఆలస్యం కూడా కావచ్చు. -
ఈ మట్టి పవిత్రం
శ్రీరాముడి పాదస్పర్శతో పులకించిన పవిత్ర భూమి, భగవానుడి గీతోపదేశంతో ప్రభావితమైన పుణ్యభూమి- మనదేశం. కశ్మీరు నుంచి కన్యాకుమారి దాకా విస్తరించిన సువిశాల భారతం గంగ, గోదావరి వంటి పుణ్య నదుల ప్రవాహాలతో పావనమై పరిఢవిల్లుతోంది. సృష్టి స్థితి లయ కారకుల అనుగ్రహంతో శక్తిమంతమైన దేశం ప్రకృతి శోభతో అలరారుతోంది. -
శ్రీరామ విజయం
సాధకులు అంతర్ముఖులై, ఏ ఆనందం కోసం అన్వేషిస్తున్నారో, తమ మనో మందిరాల్లో ఏ ఆకృతిని ప్రతిష్ఠితం చేసుకుని ఆరాధిస్తున్నారో ఆ దివ్యపథానికి సాకారం- శ్రీరాముడు. మనుషుల్లోని ‘రా’క్షస గుణాలను ‘మ’ర్దించే పరమ దైవం- రాముడు. -
దేహాలయం
సృష్టిలో శాశ్వతం కాని వాటిలో దేహం కూడా ఒకటి. జీవితాంతం జీవికి ఆలంబనగా ఉండేదీ శరీరమే. ఎలాంటి పనులు చేయాలన్నా శరీర సహకారంతోనే చెయ్యగలం. భగవద్గీతలో శ్రీకృష్ణుడు దేహమే క్షేత్రమని, అన్ని కర్మల సాధనకు అదే భూమిక అని, క్షేత్రమెరిగినవాడు క్షేత్రజ్ఞుడని, అలాంటివాడే తనకు ఇష్టుడని చెబుతాడు. -
గొప్పతనం
సాధారణంగా మనిషి గొప్ప విషయాల పట్ల వ్యామోహితుడై ఉంటాడు. బుద్ధి తెలిసిన నాటి నుంచి తానే గొప్పవాడిగా ఉండాలని భావిస్తాడు. తన గొప్పతనాన్ని, ప్రతిభను ఇతరులు గుర్తించాలని తాపత్రయపడతాడు. తనకు సంబంధించిన సామాన్య విషయాలను కూడా గోరంతలు కొండంతలుగా చెబుతూ అందరిలో తననో ప్రత్యేకమైన వ్యక్తిగా భావించుకుంటాడు. ఇతరుల కంటే ఏనాడూ తాను తక్కువ కావడానికి ఇష్టపడడు. -
కొత్త ప్రపంచం
ప్రపంచాన్ని కొత్తగా చూడటం వేరు. కొత్త ప్రపంచాన్ని చూడటం వేరు. కొత్తగా, అందంగా, సృజనాత్మకంగా, అద్భుతంగా ప్రపంచాన్ని చూపించే మనుషులతో బంధాలు ఏర్పరచుకోవాలి. వాళ్లు దివ్య పురుషులు. పుట్టినప్పటి నుంచి అమ్మ ఈ ప్రపంచాన్ని పరిచయం చేసి ఎన్నో విషయాలు తెలియజేస్తుంది. -
నిరంతరం ఆనందమే!
మానవ జీవితం చిత్రమైనది. దాని పోకడ గ్రహించడం సులభం కాదు. మనసు ఆడించే నాటకానికి జీవితం వేదికవుతుంది. ఒకానొక క్షణంలో కారణం లేకుండా సంతోషం కలుగుతుంది. -
భయమే భయానక వ్యాధి
జీవితంలో మనిషిని పీడించే మహాశాపం భయం. ప్రతి మనిషిలోనూ ఏదో సందర్భంలో, ఏదో కారణంగా భయం ఏర్పడుతూనే ఉంటుంది. వేరుపురుగు వృక్షాన్ని కూల్చేసే విధంగా భయమనేది మనిషి మనసులో దిగులును, అశాంతిని, నిరాశా నిస్పృహలను, పిరికితనాన్ని, దుఃఖాన్ని పెంచుతుంది. అభద్రతాభావాన్ని ప్రేరేపిస్తుంది. -
ఈదుల్ ఫితర్ - శుభాకాంక్షలు
మానవ ఆకారంలో దైవదూత జిబ్రయిల్ (అ.స.) ప్రవక్త మొహమ్మద్ (స.అ.వ.) వద్దకు వచ్చి ఈమాన్ విశ్వాసం అంటే ఏమిటని అడిగారు. సమాధానంగా ప్రవక్త (స.అ.వ.) ఇలా సెలవిచ్చారు. -
ఆనందమే పరమావధి
మానవ జీవితంలో దుఃఖం అనివార్యం. ఆ దుఃఖంలోనే ఈదులాడకుండా ఆనందతీరాల్ని అన్వేషించాలి. ఆ అన్వేషణ స్వీయానుభవమై ఉండాలి. దాని ఫలితం ధర్మబద్ధమైన జీవితాన్ని ప్రసాదించేదిగా ఉండాలి. ఇది అనుకున్నంత సులువు కాదు. సమగ్రమైన అభ్యాసం ఉండాలి. సంపూర్ణ సాధన కావాలి. -
‘క్రోధి’ శుభప్రదమే!
మధుమాసంతో ప్రారంభమవుతుంది మన సంవత్సరం. వేదంలో చైత్ర, వైశాఖాలకు మధు, మాధవ మాసాలని పేర్లు. ఈ రెండు మాసాలు వసంత ఋతువు. చాంద్రమానం ప్రకారం వసంత ఋతువుతో ఏడాదిని ప్రారంభించుకొనే అందమైన సంప్రదాయం మనది. -
నదులు-ఆధ్యాత్మిక కేంద్రాలు
ఎల్లప్పుడూ ప్రవహిస్తుండేవాటిని జీవనదులంటారు. వీటిలో ప్రధానమైనవి గంగ, యమున, సింధు, బ్రహ్మపుత్ర. ఇవి హిమాలయాల్లో పుట్టి మైదానాలగుండా ప్రవహించి సముద్రంలో కలుస్తాయి. ఎండాకాలంలో మంచు కరగడం వల్ల, వర్షాకాలంలో వర్షపు నీటితోను సంవత్సరమంతా ప్రవహిస్తుంటాయి. -
గజ పురాణం
దేవదానవులు పాలసముద్రాన్ని మథించినప్పుడు వెలువడిన ఏనుగును వైభవ చిహ్నంగా ఇంద్రుడు స్వీకరించాడు. ఆ ఏనుగు పేరు ఐరావతం. తెల్లని వర్ణంతో ప్రకాశిస్తుందంటారు.