Updated : 27/11/2021 13:00 IST

అలాంటి అవమానం మరెవరికీ జరగకూడదు

నారా భువనేశ్వరి ఆవేదన

తనపై వ్యాఖ్యల్ని ఖండించిన వారందరికీ ధన్యవాదాలు

ఈనాడు, అమరావతి: ఇతరుల వ్యక్తిత్వాన్ని కించపరిచేలా, గౌరవానికి భంగం కలిగించేలా ఎవరూ వ్యవహరించకూడదనీ.. ఏపీ శాసనసభలో తనకు జరిగిన ఈ అవమానం మరెవరికీ జరగకూడదని ఆశిస్తున్నానని తెదేపా అధినేత చంద్రబాబు సతీమణి నారా భువనేశ్వరి పేర్కొన్నారు. అసెంబ్లీలో తనకు జరిగిన అవమానంపై నిరసన వ్యక్తం చేసిన వారందరికీ పేరు పేరునా ధన్యవాదాలు తెలిపారు. ఎన్టీఆర్‌ మెమోరియల్‌ ట్రస్ట్‌ మేనేజింగ్‌ ట్రస్టీ హోదాలో ఆమె శుక్రవారం ప్రకటన విడుదల చేశారు. ‘చిన్నతనం నుంచి అమ్మ, నాన్న మమ్మల్ని విలువలతో పెంచారు. నేటికీ వాటిని పాటిస్తున్నాం. శాసనసభలో నాపై చేసిన అనుచిత వ్యాఖ్యలపట్ల నిరసన వ్యక్తం చేసిన వారందరికీ ధన్యవాదాలు. నాకు జరిగిన అవమానాన్ని మీ తల్లికి, తోబుట్టువుకు, కూతురుకి జరిగినట్టుగా భావించి నాకు అండగా నిలవడం జీవితంలో మర్చిపోలేను’ అని భువనేశ్వరి పేర్కొన్నారు. విలువలతో కూడిన సమాజం కోసం ప్రతిఒక్కరూ కృషి చేయాలనీ, కష్టాల్లో, ఆపదలో ఉన్న వారికి అండగా నిలబడాలని ఆకాంక్షించారు.


Read latest Top News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని