ప్రభుత్వం మారినా.. విధానం మారకూడదు
ప్రభుత్వాలు మారినప్పుడల్లా విధానాలు (పాలసీలు) మారకూడదని సీబీఐ మాజీ జేడీ లక్ష్మీనారాయణ అన్నారు. రాజధాని కోసం భూములు త్యాగం చేసిన రైతులు ప్రస్తుతం రోడ్డునపడ్డారని,..
రైతుల కన్నీరు రాష్ట్రానికి మంచిది కాదు
మహాపాదయాత్రలో సీబీఐ మాజీ జేడీ లక్ష్మీనారాయణ వ్యాఖ్యలు
నెల్లూరు జిల్లాలో 35వ రోజు యాత్రకు విశేష స్పందన
నెల్లూరు జిల్లా గూడూరు మండలం నెర్నూరు వద్ద అమరావతి మహాపాదయాత్రలో పాల్గొన్న సీబీఐ మాజీ జేడీ లక్ష్మీనారాయణ
ఈనాడు డిజిటల్ - నెల్లూరు: బాలాయపల్లి, గూడూరు గ్రామీణం - న్యూస్టుడే: ప్రభుత్వాలు మారినప్పుడల్లా విధానాలు (పాలసీలు) మారకూడదని సీబీఐ మాజీ జేడీ లక్ష్మీనారాయణ అన్నారు. రాజధాని కోసం భూములు త్యాగం చేసిన రైతులు ప్రస్తుతం రోడ్డునపడ్డారని, వారి కన్నీరు రాష్ట్రానికి మంచిది కాదని వ్యాఖ్యానించారు. ఇప్పటికైనా రాష్ట్ర ప్రభుత్వం కనువిప్పు కలిగి.. అమరావతిని ఏకైక రాజధానిగా ప్రకటించాలని, అక్కడ ప్రపంచస్థాయి రాజధాని నిర్మాణం చేపట్టాలని కోరారు. అమరావతి రైతుల మహాపాదయాత్ర 35వ రోజు శ్రీపొట్టి శ్రీరాములు నెల్లూరు జిల్లాలోని వెంకటగిరి నియోజకవర్గంలోకి అడుగుపెట్టింది. యాత్రలో పాల్గొని సంఘీభావం తెలిపిన లక్ష్మీనారాయణ మాట్లాడారు. ‘అమరావతి రైతులు రాష్ట్ర భవిష్యత్తు కోసం పోరాడుతున్నారు. రాజధానిని అభివృద్ధి చేస్తే మన పిల్లలకు ఉద్యోగాలు వస్తాయంటున్నారు తప్ప.. మాకు అన్యాయం జరిగిందని ఎప్పుడూ అడగలేదు. ఇప్పుడు రాజధాని రైతులు చేస్తున్న పాదయాత్ర కూడా వారి స్వార్థం కోసం కాదు. రాష్ట్రం బాగు కోసమే. రాష్ట్రం బాగుపడాలంటే ఒక రాజధాని ఉండాలి. రాజధానిపై స్పష్టత ఉంటేనే పెట్టుబడులు వస్తాయి. ప్రస్తుతం రాష్ట్రంలో నిరుద్యోగం పెరిగిపోతూ, పెట్టుబడులు రాని పరిస్థితి ఉంది. ప్రభుత్వం మళ్లీ తీసుకొస్తామంటున్న మూడు రాజధానుల బిల్లు ఎలా ఉంటుందో వేచి చూడాలి’ అన్నారు. అన్ని ప్రాంతాలు అభివృద్ధి చెందాలన్నదే అందరి ధ్యేయమన్నారు. ‘కావాలనుకుంటే ప్రభుత్వం శీతాకాల సమావేశాలు లాంటివి విశాఖ లేదా కర్నూలులో పెట్టుకోవాలి. కోనసీమను మత్స్య ఉత్పత్తుల రాజధాని (ఆక్వా క్యాపిటల్)గా, ప్రకాశాన్ని రవాణా రాజధాని (ట్రాన్స్పోర్టు క్యాపిటల్)గా, రాయలసీమను గనుల రాజధాని (మినరల్స్ క్యాపిటల్)గా ప్రకటించి అభివృద్ధి చేయాలి’ అని సూచించారు. పాదయాత్రలో రైతులు, పోలీసులు సంయమనంతో సాగాల్సిన అవసరం ఉందన్నారు. శనివారం వివాదాలకు కారణమైన వెంకటగిరి సీఐ నాగమల్లేశ్వరరావును ఆదివారం పాదయాత్ర విధులకు అధికారులు దూరంగా ఉంచారు.
చెన్నై తెలుగువాసుల మద్దతు
అమరావతి నిర్మాణానికి అహర్నిశలు పోరాడుతూ మహా పాదయాత్ర చేస్తున్న ఐకాస ప్రతినిధులు, రైతులకు చెన్నై తెలుగువాసులు సంఘీభావం తెలిపారు. ఆదిశేషయ్య, నరేంద్ర, చంద్రశేఖర్లతో పాటు.. మరో 50 మంది పాల్గొని మద్దతు ప్రకటించారు. ప్రపంచవ్యాప్తంగా ఉన్న తెలుగువారంతా అమరావతి మా రాజధాని అని గర్వంగా చెప్పుకుంటున్నామంటే అది భూములిచ్చిన రైతుల చలవేనని చెప్పారు. సాటి తెలుగువారు పడుతున్న కష్టాన్ని చూసి తమ వంతు సాయం చేసేందుకు వచ్చామన్నారు. ఇప్పటికే చిన్నాభిన్నమైన రాష్ట్రం భవిష్యత్తు తరాల కోసం అభివృద్ధి చెందాల్సిన అవసరం ఉందన్నారు. తామంతా వివిధ ప్రాంతాల్లో స్థిరపడినా సాటి తెలుగువారికి జరుగుతున్న అన్యాయానికి బాధ పడుతున్నామని చెప్పారు. తమ తాతతండ్రులు ఇక్కడే వ్యవసాయం చేసి తమను ఉన్నతస్థానంలో నిలిపారని, అలాంటి రైతులు కంటతడి పెడుతుంటే చూడలేకపోతున్నామని ఆవేదన వ్యక్తం చేశారు. తమవంతుగా యాత్రకు రూ.7 లక్షలు అందిస్తున్నామన్నారు. ఇది సాయం కాదని, తమ బాధ్యతన్నారు. ప్రపంచవ్యాప్తంగా ఉన్న తెలుగువారంతా అమరావతి మా రాజధాని అని గర్వంగా చెప్పుకుంటున్నామంటే అది రైతుల చలవేనని చెప్పారు. వీరితోపాటు ఆస్ట్రేలియా ఎన్నారై ఫ్రెండ్స్ రూ.లక్ష, గుంటూరు జిల్లా గూడవల్లి గ్రామస్థులు రూ.లక్ష విరాళాన్ని అందజేశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
వైకాపా వైన్స్.. ప్రొప్రయిటర్ జగన్
రాష్ట్రంలో ఎవరైనా సరే.. మూడుకు మించి మద్యం సీసాలు కలిగి ఉండటం నేరం. కానీ సీఎం జగన్ ‘మేమంతా సిద్ధం’ పేరిట నిర్వహిస్తున్న సభల్లో లక్షలకొద్దీ మద్యం సీసాలు గలగలలాడుతున్నాయి. ఈ సభల కోసం జనాల్ని తరలిస్తున్న ఆర్టీసీ బస్సుల్లో మద్యం కేసులు పొంగిపొర్లుతున్నాయి. -
సీఎంపై సతీష్ రాయి విసిరాడని వీఆర్వోకు చెప్పారట!
ఏదైనా నేరానికి సంబంధించిన సమాచారం తెలిస్తే.. ఎవరైనా ఏం చేస్తారు? శాంతిభద్రతల అంశం కాబట్టి సంబంధిత పోలీస్స్టేషన్కు వెళ్లి ఆ ఘటనకు సంబంధించిన సమాచారాన్ని తెలియజేస్తారు. -
పసివాడిన ప్రాణాలు!
పెద్దవాళ్లయితే సమస్యను చెప్పగలరు.. కానీ, చిన్నపిల్లలు అలా కాదు.. వారి బాధను మనమే అర్థం చేసుకోవాలి.. అయితే.. జగన్ సర్కారుకు అంత తీరిక ఎక్కడుంది? అక్రమాలు, అవినీతి, ఓట్ల వేట తప్ప.. ఆయనకు మరో ధ్యాసే ఉండదు కదా.. అందుకే నవజాత శిశువుల సంరక్షణను గాలికొదిలేశారు. -
పేదలతో చెడు‘గూడు’!
‘ఒక్క అవకాశం ఇవ్వండి.. మీ సొంతింటి కల నెరవేరుస్తా..’ అని జగన్ చెబితే.. నమ్మి ఓటేశారు పేదలు. తీరా అధికారంలోకి వచ్చాక.. ‘దోచుకోవడం దాచుకోవడం’ మీద పెట్టిన శ్రద్ధలో కాస్తయినా పేదలకు ఇళ్లు కట్టించడంపైన పెట్టలేదు జగన్. -
మంచాలలో ప్రబలిన అతిసారం
గుంటూరు జిల్లా చేబ్రోలు మండలం మంచాల గ్రామంలో అతిసారం ప్రబలింది. ఇక్కడ సుమారు 100 మందికి పైగా గురువారం రాత్రి నుంచి వాంతులు, విరేచనాలతో బాధపడుతున్నారు. -
వివేకా హత్యలో నాపై రెండు క్రిమినల్ కేసులు.. అఫిడవిట్లో పేర్కొన్న అవినాష్రెడ్డి
వైకాపా తరఫున కడప ఎంపీ అభ్యర్థిగా శుక్రవారం నామినేషన్ దాఖలు చేసిన వైఎస్ అవినాష్రెడ్డి తాను రెండు క్రిమినల్ కేసుల్లో నిందితుడిగా ఉన్నానని అఫిడవిట్లో పేర్కొన్నారు. -
ఎడ్సెట్-2024 నోటిఫికేషన్ విడుదల
బీఎడ్ 2024-25లో ప్రవేశాల కోసం ఉన్నత విద్యామండలి తరఫున ఆంధ్ర విశ్వవిద్యాలయం (ఏయూ) శుక్రవారం ఎడ్సెట్ నోటిఫికేషన్ను విడుదల చేసింది. -
‘కౌలు రైతుకు’ జగన్ కాటు!
‘‘దేశంలో ఎక్కడా లేనట్లుగా కౌలు రైతులకు మేం తోడుగా ఉంటున్నాం. గ్రామ సచివాలయంలోనే సాగుదారు హక్కు కార్డులు అందిస్తున్నాం. వారికి ఇక రైతు భరోసాతోపాటు అన్ని పథకాలు అందుతాయి’’ అంటూ 2023 సెప్టెంబరులో రైతు భరోసా విడుదల సందర్భంగా సీఎం జగన్ గొప్పలు చెప్పారు. -
జనం కళ్లలో జగన్ దుమ్ము
సిద్ధం యాత్రలో భాగంగా శుక్రవారం ఉమ్మడి తూర్పుగోదావరి జిల్లాలోని ఏడీబీ రోడ్డు మీదుగా సాగుతున్న ముఖ్యమంత్రి జగన్మోహన్రెడ్డి కాన్వాయ్ ఇది.. మధ్యలో ఒక్కసారి ఆయన బస్సు దిగి చూస్తే రోడ్డు దుస్థితి తెలిసేవి. -
ఐదేళ్లలో భారీగా పెరిగిన బొత్స కుటుంబ ఆస్తి
విజయనగరం జిల్లా చీపురుపల్లి వైకాపా అభ్యర్థి (వైకాపా), మంత్రి బొత్స సత్యనారాయణ కుటుంబ ఆస్తి ఐదేళ్లలో సుమారు రెండున్నర రెట్లు పెరిగింది. -
రోజాకు రూ. 10.63 కోట్ల ఆస్తులు
వైకాపా అధికారంలోకి వచ్చాక నగరి ఎమ్మెల్యే, మంత్రి రోజా ఆర్థిక స్థితిగతులు మారిపోయాయి. 2019లో ఆమె చరాస్తులు రూ.2.74 కోట్లు. ఇప్పుడు రూ.4.58 కోట్లు. -
రైతు సదస్సు పేరుతో వైకాపా భోజనాలు
పశ్చిమగోదావరి జిల్లా ఆచంటలో రైతు అవగాహన సదస్సు పేరుతో వైకాపా నాయకులు ఎన్నికల నియమావళిని అతిక్రమించారు. -
ఉద్యోగమే ‘సోర్స్..’ పథకాలు ‘అవుట్’
అవుట్ సోర్సింగ్ ఉద్యోగులకుసమాన పనికి సమాన వేతనం ఇచ్చి వారిని ప్రభుత్వ ఉద్యోగులుగా చూస్తామని 2019 ఎన్నికల మ్యానిఫెస్టోలో జగన్ పేర్కొన్నారు. -
గిగ్గోడు వినిపించలేదు
ప్రభుత్వ కొలువులు ఇవ్వరు.. పరిశ్రమల్ని తీసుకురారు.. నైపుణ్య శిక్షణ ఇస్తారా అంటే అదీ లేదు.. దాంతో బతుకు బండి నడవడానికి.. డెలివరీ బాయ్, బైక్ రైడర్ లాంటి పనులు చేస్తూ ‘గిగ్’ కార్మికులుగా మారుతున్నారు యువత. -
దార్శనిక నేత చంద్రబాబు
తెదేపా అధినేత చంద్రబాబు 45 ఏళ్ల సుదీర్ఘ రాజకీయ ప్రస్థానాన్ని, ఉమ్మడి ఆంధ్రప్రదేశ్కు తొమ్మిదేళ్లు, నవ్యాంధ్రకు ఐదేళ్లు కలిసి 14 ఏళ్లు ముఖ్యమంత్రిగా ఆయన పరిపాలన సాగిన తీరును కళ్లకు కడుతూ ‘మన చంద్రన్న- అభివృద్ధి, సంక్షేమ విజనరీ’ పేరుతో పార్టీ రాజకీయ కార్యదర్శి, మాజీ ఎమ్మెల్సీ టీడీ జనార్దన్ పుస్తకం రూపొందించారు. -
జగన్ మాట్లాడుతుంటే జనం వెళ్లిపోయారు
సీఎం జగన్ కాకినాడ గ్రామీణ మండలం అచ్చంపేట కూడలి సమీపంలో నిర్వహించిన మేమంతా సిద్ధం సభలో మొదట్లో కాకినాడ గ్రామీణ అభ్యర్థి కురసాల కన్నబాబు ప్రసంగించారు. -
సిద్ధం సభకు బస్సుల తరలింపు.. ప్రయాణికులకు నరకయాతన
కాకినాడ గ్రామీణంలోని అచ్చంపేట కూడలిలో శుక్రవారం సిద్ధం సభకు పెద్దసంఖ్యలో ఆర్టీసీ బస్సులను తరలించడంతో ప్రయాణికులు నానా అవస్థలు పడ్డారు. -
సామాజికవర్గం పేరుతో మహిళను దూషించిన వైకాపా నేత రాజమోహన్రెడ్డి
‘యానాదోళ్ల అమ్మాయి.. నెత్తిమీద రూపాయి పెడితే 5 పైసల విలువ చేయదు..’ అంటూ వైకాపా నేత, మాజీ ఎంపీ మేకపాటి రాజమోహన్రెడ్డి ఆత్మకూరు ఛైర్పర్సన్ గోపారం వెంకటరమణమ్మను ఉద్దేశించి వివాదాస్పద వ్యాఖ్యలు చేశారు. -
అన్నదాతలను బలిచేసి.. అస్మదీయులకు ధారపోసి
అరచేతిలో స్వర్గం చూపించడంలో ముఖ్యమంత్రి జగన్ది అందెవేసిన చెయ్యి..! 2019 ఎన్నికలకు ముందు బోలెడు హామీలిచ్చిన ఆయన.. తర్వాత యథావిధిగా వాటిని విస్మరించారు. -
సంక్షేమ పథకాలు ఓట్లు పొందే మార్గాలు కాకూడదు
ప్రభుత్వాలు అమలుచేస్తున్న సంక్షేమ పథకాలు ఓట్లు సంపాదించే మార్గాలు కాకూడదని యూనివర్సిటీ ఆఫ్ హైదరాబాద్ రాజనీతిశాస్త్ర విశ్రాంత ఆచార్యులు కొండవీటి చిన్నయసూరి పేర్కొన్నారు. -
తిరుమల శేషాచలం పరిధిలో అగ్నికీలలు
శేషాచలం పరిధిలో తీవ్రమైన ఎండలు, వేడి గాలులతో ఎక్కడికక్కడ అగ్నికీలలు వ్యాపిస్తున్నాయి. శుక్రవారం ఉదయం తిరుమలకు సమీపంలో పెద్దఎత్తున అగ్నికీలలు ఎగిసిపడ్డాయి.
తాజా వార్తలు (Latest News)
-
భారత్లో మస్క్ పర్యటన వాయిదా
-
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
-
ధోనీ ఎంట్రీ ఎఫెక్ట్.. వామ్మో వినికిడి కోల్పోమా..? : లఖ్నవూ స్టార్ వైఫ్
-
‘అవి డ్రోన్లు కాదు.. మాకు ఆటబొమ్మలే’.. ఇజ్రాయెల్ను హేళన చేసిన ఇరాన్
-
మా పేర్లు చెప్పాలని వారిని చిత్రహింసలు పెడుతున్నారు: బొండా ఉమా
-
యాక్టర్ జగన్.. ఎన్నికల లబ్ధికి ఉత్తుత్తి శిబిరాలు