నదుల అనుసంధానానికి 4 డీపీఆర్‌లు

కేంద్ర జలశక్తి మంత్రి

ఈనాడు, అమరావతి: దేశంలో నదుల నాలుగు అనుసంధాన ప్రాజెక్టులు ప్రాధాన్యమైనవిగా గుర్తించామని, అందులో గోదావరి-కావేరి అనుసంధానం కూడా ఉందని కేంద్ర జలశక్తి శాఖ మంత్రి గజేంద్రసింగ్‌ షెకావత్‌ తెలిపారు. రాజ్యసభలో భాజపా సభ్యుడు సీఎం రమేష్‌ ప్రత్యేక ప్రస్తావన కింద అడిగిన ప్రశ్నకు  మంత్రి లిఖితపూర్వకంగా సమాధానమిచ్చారు.  కెన్‌బెత్వా, దామన్‌గంగా-పింజారి, పార్‌-తపి-నర్మద, గోదావరి-కావేరి అనుసంధాన ప్రాజెక్టుల డీపీఆర్‌లు సిద్ధమయ్యాయన్నారు. కెన్‌బెత్వా అనుసంధాన ప్రాజెక్టుకు తాజాగా నిధుల మంజూరుకు కేంద్రం అనుమతించిందని వివరించారు. దీనికి   రూ.44,605 కోట్లు అంచనావ్యయం కాగా.. ఇందులో కేంద్రం రూ.39,317 కోట్లు ఇస్తుందని తెలిపారు. 3ప్రాజెక్టులకు సంబంధించిన డీపీఆర్‌లను ఆయా రాష్ట్రాలకు పంపి ఏకాభిప్రాయం సాధించేందుకు ప్రయత్నిస్తున్నామని తెలిపారు.