కొద్దిగా తగ్గిన కేసులు.. పాజిటివిటీ

తాజాగా 13,618 మందికి కొవిడ్‌

ఈనాడు, అమరావతి: రాష్ట్రంలో రెండోరోజూ కొవిడ్‌ కేసులు స్వల్పంగా తగ్గాయి. మంగళవారం ఉదయం 9 నుంచి బుధవారం ఉదయం 9 గంటల మధ్య 49,143 నమూనాలు పరీక్షించారు. వీటిద్వారా 13,618 కొవిడ్‌ కేసులు గుర్తించారు. పాజిటివిటీ రేటు 27.7%గా నమోదైంది. మంగళవారం పాజిటివిటీ రేటు 29.44%గా ఉంది. అత్యధికంగా విశాఖ జిల్లాలో 1,791, అనంతపురంలో 1,650 కొవిడ్‌ కేసులు నమోదయ్యాయి. తక్కువగా విజయనగరం జిల్లాలో 466, చిత్తూరు జిల్లాలో 493 చొప్పున కొవిడ్‌ కేసులు రికార్డయ్యాయి. కొవిడ్‌తో 9 మంది మరణించారు.  8,687 మంది కోలుకున్నారు.