Covid Vaccine: కొవాగ్జిన్, కొవిషీల్డ్ ధర రూ.275!
త్వరలో బహిరంగ విపణి ఆమోదం పొందనున్న కొవాగ్జిన్, కొవిషీల్డ్ ఒక్కో డోసు ధర రూ.275 వరకు ఉండొచ్చని అధికార వర్గాలు చెబుతున్నాయి. సర్వీస్ ఛార్జీల రూపంలో మరో రూ.150 అదనంగా
మరో రూ.150 సర్వీస్ ఛార్జీలు
దిల్లీ: త్వరలో బహిరంగ విపణి ఆమోదం పొందనున్న కొవాగ్జిన్, కొవిషీల్డ్ ఒక్కో డోసు ధర రూ.275 వరకు ఉండొచ్చని అధికార వర్గాలు చెబుతున్నాయి. సర్వీస్ ఛార్జీల రూపంలో మరో రూ.150 అదనంగా వసూలు చేసే అవకాశం ఉంది. ఈ మేరకు ధర నిర్ణయంపై నేషనల్ ఫార్మాస్యూటికల్ ప్రైసింగ్ అథారిటీ(ఎన్పీపీఏ) కసరత్తు చేస్తోంది. ప్రస్తుతం ప్రైవేటు ఆసుపత్రుల్లో కొవాగ్జిన్ రూ.1200కు, కొవిషీల్డ్ రూ.780కు లభిస్తోంది. ఈ రెండు టీకాలకు గత ఏడాది జనవరి 3న అత్యవసర వినియోగ అనుమతులు లభించాయి. అయితే గత ఏడాది అక్టోబర్ 25న కొవిషీల్డ్ను అభివృద్ధి చేసిన సీరం ఇన్స్టిట్యూట్ ఆఫ్ ఇండియా సంస్థలు బహిరంగ విపణిలో విక్రయించుకునేందుకు అనుమతి కోరుతూ డ్రగ్ కంట్రోలర్ జనరల్ ఆఫ్ ఇండియా(డీసీజీఐ)కు దరఖాస్తు చేసుకుంది. కొన్ని వారాల క్రితం భారత్ బయోటెక్ సంస్థ కూడా తమ టీకా కొవాగ్జిన్కు ఇదే తరహా అనుమతివ్వాలంటూ సంబంధిత పత్రాలను డీసీజీఐకు సమర్పించింది. ఈ నెల 19న కేంద్ర ఔషధ ప్రమాణాల నియంత్రణ సంస్థలోని కొవిడ్-19 నిపుణుల కమిటీ కూడా ఈ దరఖాస్తులపై సానుకూలంగా స్పందించింది. షరతులతో కూడిన అనుమతులివ్వొచ్చని సిఫార్సు చేసింది. ఈ నేపథ్యంలో ధర నిర్ణయంపై కసరత్తు జరుగుతోందని ఓ అధికారి తెలిపారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
కావ్య బాధ.. శారీలో లావణ్య, మౌనీరాయ్
-
నేటి రాశి ఫలాలు.. 12 రాశుల ఫలితాలు ఇలా... (19/04/24)
-
‘ప్రేమలు 2’ ఫిక్స్.. రిలీజ్ ఎప్పుడంటే?
-
కాంగ్రెస్ ఎన్నికల ప్రచారంలో షారూఖ్ ఖాన్ ?... భాజపా అభ్యంతరం