SP: ఎస్పీలోకి పొడవైన వ్యక్తి ధర్మేంద్ర.. అఖిలేశ్‌ సమక్షంలో చేరిక

లఖ్‌నవూ: దేశంలోనే అత్యంత పొడవైన వ్యక్తిగా పేరొందిన ధర్మేంద్ర ప్రతాప్‌ సింగ్‌ రాజకీయరంగ ప్రవేశం చేశారు. ఈ మేరకు ఆయన లఖ్‌నవూలో అఖిలేశ్‌ యాదవ్‌ సమక్షంలో సమాజ్‌వాదీ పార్టీ(ఎస్పీ)లో చేరారు. యూపీలోని ప్రతాప్‌గఢ్‌కు చెందిన ధర్మేంద్ర ప్రతాప్‌ ఎత్తు 8.1 అడుగులు ఉండడం విశేషం. ఎస్పీలో చేరిన అనంతరం ధర్మేంద్ర మాట్లాడుతూ.. ‘‘పార్టీ ఏ బాధ్యత అప్పగించినా.. నిర్వహిస్తాను. పార్టీని మరింత ఎత్తుకు తీసుకెళ్లడంతో పాటు ప్రత్యర్థుల స్థాయిని మరుగుజ్జు చేయడానికి కృషి చేస్తాను. అఖిలేశ్‌ బరిలో నిలిచే కర్హాల్‌లో  సైతం ప్రచారం చేస్తాను’’ అని పేర్కొన్నారు.