కేంద్రంతో వైకాపా లాలూచీ: కనకమేడల

ఈనాడు, దిల్లీ: వైకాపా ప్రభుత్వం స్వప్రయోజనాల కోసం రాష్ట్ర ప్రయోజనాలను తాకట్టు పెట్టిందని తెదేపా రాజ్యసభ సభ్యుడు కనకమేడల రవీంద్రకుమార్‌ శనివారం ఒక ప్రకటనలో విమర్శించారు. కేంద్రంతో వైకాపా లాలూచీ వల్లే హోంశాఖ చర్చల ఎజెండా నుంచి ప్రత్యేక హోదా అంశాన్ని తొలగించారని ఆరోపించారు. వైకాపాకి చిత్తశుద్ధి ఉంటే 17న జరిగే సమావేశం ఎజెండాలో ప్రత్యేక హోదా అంశాన్ని పెట్టించాలని డిమాండు చేశారు. ‘కేంద్రం మెడలు వచ్చి హోదా సాధిస్తామని వైకాపా అధికారంలోకి వచ్చింది. అధికారంలోకి రాగానే పక్కన పడేశారు. హోంశాఖ కన్సల్టేటివ్‌ కమిటీ సభ్యుడిగా నాకు తెలిసినంతవరకూ సీఎం నుంచి హోదా అంశంపై ఇప్పటివరకూ కేంద్రంపై ఒత్తిడి చేయలేదు’ అని కనకమేడల డిమాండు చేశారు.