‘జనసేన’ ఆవిర్భావ సభ నిర్వహణ కమిటీల్లో నియామకాలు

ఈనాడు డిజిటల్‌, అమరావతి: జనసేన ఆవిర్భావ సభ నిర్వహణ కమిటీల్లో మరో 31 మందిని నియమించినట్లు జనసేన రాజకీయ వ్యవహారాల కమిటీ ఛైర్మన్‌ నాదెండ్ల మనోహర్‌ శుక్రవారంనాడు ఒక ప్రకటనలో తెలిపారు. జిల్లాల సమన్వయ కమిటీలో 8 మంది, సెక్యూరిటీ కమిటీలో 11 మంది, మీడియా కో ఆర్డినేషన్‌ కమిటీలో ఆరుగురు, వాలంటీర్ల కమిటీలో ముగ్గురు, క్యాటరింగ్‌ కమిటీ, మెడికల్‌ అసిస్టెన్స్‌ కమిటీ, ప్రచార కమిటీలో ఒక్కొక్కరి చొప్పున నియమించారు.

మార్చి నెల 14వ తేదీన నిర్వహించనున్న ఆవిర్భావ సభ కోసం ప్రత్యేకంగా రూపొందించిన ‘జన జన జన జనసేనా’ అనే గీతాన్ని, గోడ పత్రికనూ ఆయన ఆవిష్కరించారు.