హిందూపురం వైకాపాలో అసమ్మతి సెగ!

హిందూపురం, న్యూస్‌టుడే: హిందూపురం అధికార వైకాపాలో అసమ్మతి సెగ మొదలైంది. పట్టణంలోని ఓ ప్రైవేటు కళాశాల సమీపంలో శనివారం కొందరు నేతలు రహస్య సమావేశం నిర్వహించడం చర్చనీయాంశమైంది. సమావేశం అనంతరం స్థానికులకే పార్టీ ఇన్‌ఛార్జి పదవి ఇవ్వాలని నినదిస్తూ పలువురు కార్యకర్తలు బయటకు వచ్చారు. మీడియా ముందు ఇప్పుడే మాట్లాడలేమని, కార్యకర్తల సమావేశాన్ని నిర్వహించి అన్ని విషయాలు చెబుతామన్నారు. సమావేశానికి నియోజకవర్గంలోని కొందరు ముఖ్య నేతలతోపాటు 20 మంది కౌన్సిలర్లు, ఇద్దరు ఎంపీపీలు, ఒక జడ్పీటీసీ సభ్యుడు, పలువురు ఎంపీటీసీ సభ్యులు, సర్పంచులు హాజరయ్యారు.